Skip to content
December 5, 2010 / THIN UGLY

THE DARKNESS AND THE LIGHTS

HI BOY Z AND GIRLS


كيفكن ان شاء الله بخيـــــــــر وطيبين وكل شي منيح ومليح

اممممم حبيت اتكلم اليوم عن موضوع ممكن ماعمره احد منكم شافني اتكلم فيه قبل او كذا

بس موضوعنا اليوم عن الظلام والنور

الخير والشر

تأثيرات هالشعاعين علينا احنا البشر….

!!!!!!

النور والظلام الخير والشر الحب والكره….متناقضات تتجمع في مكان واحد،،،،وموجوده في كل انسان،،،،في روح وقلب كل واحد منا

وما احد يقدر ينكره او يجحدها،،لان هذي طبيعتنا اللي الله عز وجل خلقنا عليها

ولازم نعرف شي مهم وهو انه

مهما كان في نوور لازم يكون في ظلام ومستحيل نفصلهم عن بعض

 

………………………………………………………………………………….

كثير كان يسألني عن سبب تسميه نفسي بـ

THIN UGLY

وكان جوابي هذا الـ

DARK SIDE

الجانب المظلم من شخصيتي،،،،ولكل واحد جانب مظلم بس المشكله كل المشكله لو ترك جانبه المظلم يسيطر عليه وعلى حياته

لان النتيجه بالنهايه……

الفشل الانهيار الاحباط،،،،وهذا الكلام استنتجته من تجاربي بالحياة

وراح اقولك اشياء بديهيه بس يمكن اغلبكم مافكر او تفكر فيها

مع الرغم انه ديننا دعانا للتفكر والدليل انه الله ضرب لنا الامثال باصغر مخلوقاته

مثل النمله،،النحله،،العنكبوت

صحيح انه اعجاز للكفار بس برضو دعوى للتفكر للمؤمنين بالاشياء الصغيره قبل الكبيره…

وخليني الحين ابدأ معاكم بعض الموضوع  وراح تتعلم هذي الاشياء في الموضوع

ايش هما الظلام والنور

اثر الظلام والنور بحياتنا

ليش اغلب شبابنا وشاباتنا يحبون الظلام؟؟

كيف يكبر الظلام او النور بداخلك

كيف تطرد الظلام من حياتك

وفي النهايه اختار بنفسك الظلام ولا النور

……………………..

 

 

 

 

*الظــــــلام والنــــــــور*

 

 

 

تعريف الظلام وبكل بساطه هو

 

 

((حاله انعدام الضوء))

والضوء هو النور،،،،،،بسيطه مثل تعريف الجنون هو حاله عدم وجود العقل

 

يعني الاساس بالظلام النور،،،،وقلتلكم مانقدر نفصلهم عن بعض

 

يعني اذا اختفى النور جاء الظلام …..ولو جاء النور اختفى الظلام واختبآ بشكل الظل

لان الظل هو  المساحة المظلمة التي تتكون نتيجة سقوط الضوء علي اي جسم ما يشترط فيه العتمه

العتمه يعني مايولد ضوء

 

والنقطه الثانيه

انه القدماء كانو يعتقدوا انه العين هي اللي يخرج منها النور ونشوف
وجاء العالم الحسن بن الهيثم واثبت أن العين لا يخرج منها ضوء بل اثبت أن الضوء هو الذي يسقط علي الأشياء فينعكس مرتدا إلي العين فتراها العين

 

الكلام اللي حددته باللون الاحمر راح اشرحه قدام في كلامي وراح ترجعله ثاني

يعني حطه في بالك

 


 

*اثر الظلام والنور بحياتنا*


 

 

 

بكل يوم بحياتنا تمر علينا حالتين هي الصباح والمساء،،،حالتين الظلام والنور

بس هذا من بره كيف من جواتك؟؟؟

هذا هو السؤال المهم ومحور كلامي في الموضوع والحين راح ادخل الموضوع

 

انتا لما تمشي بالشارع بالدوام او حتى تكون بالبيت او الجامعه او المدرسه او…..الخ وين ماتكون

تمر عليك مواقف فمرات توقف فيها وتفكر لحظه،،،،مرات تتصرف تصرف غير لائق ينم عن انسان بدون مبادئ وقيم

ومرات تلاقيك تحن على هذا وتعطف على ذاك وتسوي اشياء طيبه

 

ايش المحرك اللي يخليك تسوي كذا؟؟؟؟

طبعا قلبك اللي يكمن فيه النور ،،،ويكمن فيه الظلام

 

ومثل ماقلت في البدايه مهما كان قلبك ابيض وكله نور….بتلاقي مساحه للظلامفي الظل،،،وانا بعطيكم علاجها بس مو الحين

^ـ^

 

طيب يعني طبيعتنا كذا،،،،،

والله خلقنا كذا والدليل على كلامي

بيكون من حديث  عن الرسول محمد صلى الله عليه وسلم

والذي نفسي بيده ، لو أخطأتم حتى تملأ خطاياكم ما بين السماء والأرض ، ثم استغفرتم الله لغفر لكم ، والذي نفس محمد بيده ، لو لم تخطئوا لجاء الله بقوم يخطئون ، ثم يستغفرون الله فيغفر لهم

 

وهذا دليل على وجود الظلام في داخل الانسان مزروع في داخله يحفزه على الخطأ

والدليل الثاني حادثه غسل قلب الرسول صلى الله عليه وسلم

^ـ^

 

وهذا مستثنى لانه الرسول صلى الله عليه وسلم قدوتنا وخير البشر اللهم صلي وسلم عليه عشان كذا ماكان يخطأ ومافي مثل قلبه

هذا السبب ليش انه خير البشر

……..

 

يعني ماحد ينكر وجود شر داخله حتى ولو بسيط

يعني انا استغرب من الناس اللي يقولك المطوع او المتلحي سواء ملتحي نفاق او ملتحي خشيه من الله او موضه انه مايخطئ

فالشعر بالوجه ليس انعكاس للقلب من الداخل،،،،ولا ماكنا شفنا البنقاليه اذا بغى ياخذ راحته ويصير ابن لذين يربي لحيه عشان ماحد يشك فيه

وهذا الكلام ما اقصد فيه الكل يعني

بس في ناس ضعاف نفوس يستغلوا تقديس شعبنا للحيه وجعلها ستار بينه وبين بلاويه

كفانا الله الشر

 

وبنهايه هذا العنوان اكدت انه في طاقتين داخلنا،،،،طاقه النور وطاقه الظلام

 

 

 

*أغلب شبابنا وشاباتنا يحبون الظلام وش السبب*

 

 

 

 

في كثير اسباب لهذا الحب المنتشر للظلام والوحده والعزله

 

السبب الاول:-الميديا والاعلام




 

احنا كبرنا على أفلام الكرتون والتلفزيون

دايما لما كنا اطفال كانت شخصيه الرجل الشرير مضحكه غامضه جذابه ذكيه ولاننسى اهم عنصر عندنا لجذب الاطفال

((قووووته خااااارقة))

اما البطل دائما شخص عادي يحاول يطور نفسه من الصفر ولازم يكون معاه ١٠٠ صاحب عشان يهزمون شخص واحد شرير

وهزيمته بتكون بعد طول عناء

!!!!!!!

فحماه النور لازم يكونون كثار عشان يقضون على واحد رجل شرير ظلامي

فطبعا لو خيروك بتختار واحد شرير مميز عن عشره جنود طيبين وتعتمد على حسب الشخصيه وتأثر الطفل فيها بس غالبا الطفل يحس انه مميز فيقارن نفسه بالشرير لانه هو القوي

 

 

السبب الثاني:-فقداننا بالشعور بالظلام


 

 

 

طبعا الله عز وجل خلق الظلمات والنور ولم يخلقها عبث ،،،في كل مخلوقات الله عز وجل هناك في حكمه حتى ابسط التفاصيل

الله عز وجل خلق الدنيا والانسان والارض كل واحد يأثر بالثاني وسخرها لعيش الانسان واي خلل في هذي التركيبه الإلاهيه بيصير فيها خلل على الانسان نفسه

وكثيرا مانجد القرآن المعجز يقرن الليل والنهار،،،،الظلمات والنور،،،،الشمس والقمر

مع بعض وهذا دليل على انه لهم دور كبير في حياة الانسان

 

طيب،،،،وين الخلل هنا يا

THIN UGLY

???????

 

الخلل عدم شعورنا بالظلام ورهبه الظلام وبالظلام نفسه

ابي كل واحد منكم يسأل نفسه كم ساعه حس بالظلام حوله،،،يعني كم اكثر مده جلستها لوحدك او لو نقول مع اهلك في الظلام  باختيارك؟؟

اكثر شي واجرأ واحد ماراح يتعدى العشر الدقايق وهو صاحي في غرفته …….مو وقت النوم يعني

السبب وجود اللمبات والانوار في كل مكان النور حوليننا دايما نجلس ونفتح النور ناكل ونفتح النور ومن قبل المغرب تلاقي كل واحد فاتح نوور بيته وجالس

 

هذا هو الخلل في طبيعه الانسان تهميش للظلام في حياتنا

 

نعم هذا سبب حبنا للظلام اكثر من النور،،،،لو نرجع لزمان لايام الاجداد والاباء وقبلهم

متى ينامون ومتى يصحون؟؟؟؟

كيف الظلام معاهم….كان رعب وهم وغم وخوووف الواحد جالس مايدري مين جنبه الغدرات القتل الصرقه المجازر الخيانه الحروب كلها في اخر الليل

غير الحشرات السامه والثعابين والذئاب

فالواحد ينام ويمني النفس بإشراقه الشمس

ولو سألته وش تحب،،،،بيرد بكل وضوح وصراحه وبدون تفكير احب النور طبعا وهي فيها سؤال؟؟

وهذي الفطره،،،،نعم يحب النور لانه متطمن على حلاله وماله وعياله في النور

لانه يحس بالامان والراحه والطمأنينه مو بالخوف والجزع والوسوسه

اما زمنا هذا زمن النور والحياه الليليه هو السبب في تخبط مشاعرنا,,,,, بس احنا نحب الظلام لشعورنا بالنقص اتجاهه ولاننا محرومين من الشعور الحقيقي فيه

ولاننسى انه من اعظم اكتشافات الرجل القديم النار ولولاها مابقينا احنا احفادهم على قيد الحياه فنور النار بعد الله عز وجل كان يحميهم في الظلام والليل

وكانت من اساسيات العيش ومن اعظم الاكتشافات البشريه

وهذا دليل على اهميه النور….في وجود ظلام دامس في الليل

قال تعالى

((مثلهم كمثل الذي استوقد نارا فلما اضاءت ماحوله ذهب الله بنورهم وتركهم في ظلمات لايبصرون))

 

عرفت قيمه النور الحين؟؟؟؟

عمرك جربت الظلام الدامس اللي يحسسك كأنك اعمى،،،،جربه صدقني راح تحب النور

لما تكون في بر مثلا وتعسس بيدك على اللي جنبك اللي لاصق فيك وتسأله،،،،انت مين لانك مو عارف حتى مين جنبك؟؟؟؟

لما تسوق سيارتك بخط سفر لحالك ومافي سياره  قدامك او  وراك وتطالع بالمرايه ماتشوف الا السواد لدرجه انك تحس انك ماتشوف شي انت اعمى،،،،تتمنى هذيك الساعه تشوف نور

فطبيعي لما تمر بهالمواقف راح تحب النور لانه كان سبب راحتك،،،يمكن تحب الشعور بالظلام طبعا لانه سببلك مغامره حلوه بس ماتدري انه حلاه المغامره لما تشوف النور وتعرف انك نجحت بتخطي الظلام،،،،مثل قطار الموت،،،مو قطار الموت الميت اللي عندنا قطار الموت الصح

تركبه وفي كل ثانيه تتشهد على روحك،،،ونشوه انتصارك بتكون في اللحظه الاخيره لما يقولك فك حزام الامان انتهت اللعبه،،،لانك حسيت بالشعور بالراحه والامان  وراح شعور الخوف جواتك ونفسك بعدها  تكرر التجربه عشان تحس بشعور الخوف اللي انت فاقده لانه خلال هالتجربه بتكون خايف …فلما تنزل من القطار تحس بالامان،،،،انت عايش في امان ولكن ماتعرف قيمته

وعرفته قيمته لما فقدته،،،ويوم رجعلك شعورك بالامان ثاني ارتحت واستانست وعجبتك اللعبه

انا بعطيك مثل بسيط  تخيل انك في الصومال وحرب وجوع والواحد مو آمن على حياته هناك ومسكت واحد منهم  وقلتله عندك ساعه زمن واخيرك بين امرين تلعب معي قطار الموت في احسن ملاهي بالعالم او احطك في برج آمن تجلس فيه تتوقع وش بيختار؟؟؟؟

 

بسيطه لو انك رحت عند نهر ولقيت رجال يشرب منه وبيته على ضفه النهر ومعاك قاروره مويه بتروح تبيعه اياها،،،،وش تتوقع رده فعله ؟؟؟

بيطالع فيك ويضحك ويمكن يأشر عليك بعلامه انك مجنون وحتى لو عطيته اياها ببلاش ممكن يرفضها ويمشي وهو متعجب منك

……

تخيل انك انت ونفس هالشخص بس اختلف المكان هو بصحراء ولقى كنز بس ماعنده مويه يشربها وعرضت عليه المويه،،،،هذيك الساعه تقدر تساومه عليها حتى يمكن تاخذ كنزه لجل المويه اللي معك

!!!!!

 

وهذا لانه الانسان للاسف يمشي بنظريه انه مايعرف قيمه الشئ الا يوم يفقده

فيوم يفقده ويرجعله ثاني يعرف طعمه ويحس فيه وبقيمته

 

السبب الثالث:-التقليد الاعمى




كثير من المراهقين وبرضو من اثر الملتيميديا وغيرها صار لهم شخصيات محببه…هذي الشخصيات وخاصه المراهقين يقلدون اللي يشوفونه من المسلسلات او من الغرب بشكل عام

وكثير من هالشخصيات عبده شيطان ملحدين و ايمو وغيرهم من الشخصيات التافهه وعندنا الطفل او المراهق مايعرف انه حتى هذي الشخصيات والشكليات مكروهه في مجتمعاتهم ومحط انظار واستحقار الكثيرين

بس يوم يطلعون على الشاشات فهم مظلومين حساسين يحبون الظلام والخير بس بشخصيه غامضه ولو زعل راح وشرط يده وصاح؟؟؟؟

وانه منبوذ ،،،، طبعا اي مراهق بيحس بهالشعور ويقول هذولا مثلي!!!!….لانه كبر من مرحله الطفوله اللي كان خياله فيها واسع وحتى لو امه او ابوه باسوه بيحس انه سوبر مان زمانه وانهم باسووه لانه افضل طفل بالعالم وانه اهله يحبوووه اكثر شي بالدنيا وانه هو محط اهتمامهم ومحور حياتهم وانه هو ملك العالم والاقوى والافضل مثل مابينت في النقطه  اللي قبل

 

فلما يراهق يبدأ مخه يكبر وينضج ويلاقي اهله يعاملونه مثل الكبير مافي دلع اول مافي مثل اهتمام الطفوله ويروح المدرسه يلاقي نفسه مو مميز عن غيره .،،،،فطبعا هو كان متخيل انه سوبر مان فيحس بنقص شديد واضطراب وانه الناس ماتهتم فيه وماتحبه…ويشوف في مراهقين بالعالم مثله كئيبين ويفرغون همومهم بهبل مثل راسهم

فيقول ليش ما اصير مثل الغرب عايشين حياتهم؟؟؟

طيب هذا الايمو او عبده الشيطان ،،،،الشيطان مريحه مدلعه...ممتعه في حياته بس انت مسلم ولد مسلم وعدك عند الخالق عز وجل وعدك عند الله

شوف الله ايش يقول في قرآنه الكريم

((بل إن يعد الظالمون بعضهم بعضا إلا غرورا))

 

((يعدهم ويمنيهم وما يعدهم الشيطان إلا غرور))

 

يعني الشيطان يغررلهم الدنيا ويزينها لهم ويسلط جنده عليهم يخليهم هايمين بالفساد والضياع وانت تقلد؟؟؟؟

واغلبهم راعين مخدرات وشاذيين وامخاخهم فاضيه ومالهم هدف بالحياه غير هالتفاهات عشان كذا هم مستحقرين ببلادهم حتى

طيب تبيني اقولك شي….،،،تعرف السحر وتفاصيله وكيف تعقد صفقات مع الجن والشياطين؟؟؟؟؟

يمكن تعرف السحر مسمى بس ،،،بس ماتدري تفاصيله راح اعطيك معلومات يمكنك تعرفها ويمكن اول مره تسمع فيها

تدري انه الشياطين او الجن مايحضرون الا بتضحيات وطقوس؟؟؟؟؟

لازم تضحي  لازم تريق الدم وعلى قد ماضحيت على قد ماحصلت…((تقديم القربان)) لهم،،،،ما سألت نفسك ليش الايمو لما يحزن يشرط نفسه بالمشرط.…!!مو هذا طقس من طقوسه هذي اراقه دم لابليس وجنوده عشان يسعدونه ويغررون له الحياة ويزخرفونها له واحنا شبابنا يشرطون يدينهم واحلى كلام ولا يدرون وش معنى هالعباده او هالشي اللي يسوونه ولو تسأل واحد يقولك والله حبيت انفس عن نفسي وعن غضبي؟؟

 

 

 

*كيف تتحكم بالظلام والنور اللي داخلك*

 

 

 

اول شي النور هبه من الله عز وجل،،،،مثل البصر والسمع وغيره من الحواس….الانسان المبسوط في حياته القريب من ربه تحس بنوره موجود في وجهه

ومثال بسيط مرات تجلس مع شخص اول مره تشوفه وتقول في نفسك او تحكي الناس عنه،،،،وتقول ياخي سبحان الله فلان حسيت معه في راحه وحسيت بوجهه النور

هذا النور كيف جا…يعني مثلا الشخص مركب على جبتهه كشاف؟؟؟

او مصنفر وجهه،،،،؟؟مرات تشوف واحد اسمر البشره وتقول ياخي احس بنور في وجهه؟؟؟

هذا الشي ماله علاقه باللون او الشكل او الجنس هذا له علاقه مباشره فيك انت في النور اللي داخلك ،،،،ومرات تقول العكس ياخي فلان ما ارتحتله،،،فلان حسيت في وجهه الغضب؟؟؟

كيف عرفت…هذا انعكاس نوره الداخلي على وجهه وشخصيته وابتسامه وحتى كلامه والعكس صحيح على الشخص الثاني

 

النور هذي نعمه من ربي خلقها الله عز وجل جواتنا…هي موجوده في قلوبنا…..الظلام يسبب مرض وموت للقلب والنور يسبب للقلب الراحه والطمأنينه

لايجيني جراح يقول القلب مافيه نور او ظلام….. هذا شعور داخلي …..اما القلب امراضه  الظاهريه هي السكته القلبيه والجلطه و….الخ الخ الخ

 

نسيت حديث غسيل صدر الرسول صلى الله عليه وسلم؟؟؟؟

نرجعله مره ثانيه

ليش غسل الصدر؟؟….لانه فيه القلب…وليش القلب لانه هو اللي فيه المشاعر..مشاعر الخير والشر…بيقولك دكتور الاعصاب المشاعر بالمخ...صحيح المخ غرفه التحكم بس القلب هو المستخدم لهذه الغرفه

🙂

ادله من القرآن الكريم على كلامي

((في قلوبهم مرض فزادهم الله مرضا))

 

((فإنّها لاتعمى الأبصار ولكن تعمى القلوب التى في الصدور))

 

 

يعني القلب فيه نور….والنور اللي في القلب هو اللي يخليك تعرف الصح من الغلط،،،،النور هو اللي يضيئ طريقك في الحياة

العين ماتصدر الضوء بس تشوف الاجسام اللي انعكس عليها الضوء.…امممممم كلامي ذكرك بشيئ قلته في بدايه الموضوع؟؟؟

نسيت الكتابه اللي بالاحمر اللي قلتلك احفظها بمخك؟؟؟؟!!!!!….اطلع شوووفها

 

 

 

لحظه اريحك تعال هنا انا بكتبها ثاني

أن الضوء هو الذي يسقط علي الأشياء فينعكس مرتدا إلي العين فتراها العين

اجل وين مصدر نورك……؟؟؟

مصدر نورك هو قلبك طبعا

 

افتكر كلامي الحين عن شخص تحس في وجهه نور وشخص تحس في وجهه عتمه وظلام….؟؟؟

نسيت وش وظيفه عينك؟؟؟؟

تعكس النور الساقط على الاجسام وتشوفه…فالشخص المحبوب طيب القلب صاحب القلب الصافي الابيض تشوف هالشي في وجهه لانه انعكاس لنوره الداخلي

والشخص البغيض الكريه تعرف انه شخص منحط وسيئ من الظلام اللي في قلبه وانعكس على وجهه

 

وقال الله عز وجل

((ومن لم يجعل الله له نور فما له من نور))

 

طيب الحين نجي لسؤالنا كيف نتحكم بالنور والظلام في حياتنا

الآيه فووق مافكرت وتدبرت فيها؟؟؟؟؟

النور مين اللي يعطيك اياه؟؟؟؟؟

الله عز وجل،،،،،،لانه لو الله ماعطاك النور وماراح تلاقيه في اي مكان بالعالم اغنى رجل وانجح رجل بالعالم مو معناته بالفطره اسعد رجل

لانه السعاده شعور داخلي لايشترى…..شعور مصدره القلب

ومثل مالنور في الحياه يدل على الطمأنينه والراحه والامان والجمال

الظلام يدل على الخوف والرهبه والجزع والوسوسه

 

نجيبلك مثال يمكن الامثله اللي قبل مو واضحه او تبي زياده امثله

تخيل انت موجود في احلى جزيره في العالم….شلالات منتجعات مناظر طبيعيه خلابه انت في جنه….بس في الارض

بس مشكله الجزيره الحلوه هذي انه مافيها نور ولاصباح بس ليل….تروح؟؟؟؟

خليك شجاع وروح….تستمتع؟؟؟؟؟

هذا هو الغني او الناجح او اي شخص مانور الله قلبه

والسويد احلى مثل لانها اعلى معدل انتحار في العالم وفي نفس الوقت من اعلى دخول للفرد في العالم لانه عندهم كل اللي يبغوه بس قلبهم مظلم وروحهم فاضيه مافيها نور تضيئ حياتهم

 

 

———-

طيب يا

THIN UGLY

كيف نجيب هالنور؟؟؟؟؟ من اول ماجاوبتنا

…..انا ماجاوبت لانه كل شي تبغاه مقشر بحياتك؟؟؟؟

عدل تفكيرك ….فكر شغل الطاسه اللي بجمجمتك

طيب راح اتكلم لبعض الامخاخ اللي كأنها قدور ماتتحرك…الجواب بسيط بعمل كل شي يحبه الله ويرضاه….صلاتك وصله بربك

البعد عن الذنوب والاخطاء ….البعد عن عقوق الوالدين والكذب

ودايما سوي شي حلو لوجه الله

لاتنسى انه حتى ابتسامتك في وجه اخيك صدقه

اماطه الاذى عن الطريق صدقه

ولاتنسى انه قليل دائم افضل من كثير منقطع والكلام اللي قلته فوق سهل تنفيذه كلها اشياء بسيطه وطبعا لاتنسى


قرآئة القرآن

وكمان

الاستغفار….. الاستغفار…..الاستغفار……الاستغفار…والاستغفار

كم مره وردت هالكلمه في القرآن…..الله غفور الله رحيم

 

وآيات كثيره بهذا المغزى

……….

طيب نرجع لموضوع الظلام والنور

اقرا هذا الحديث ياصاحبي

عن ابي هريره عن رسول الله صلى الله عليه وسلم قال إن العبد إذا أخطأ خطيئة نكتت في قلبه نكتة سوداء فإذا هو نزع واستغفر وتاب سقل قلبه وإن عاد زيد فيها حتى تعلو قلبه

وقال تعالى عز وجل

((كلا بل ران على قلوبهم ما كانوا يكسبون))

في اكثر من حديث عن الرسول صلى الله عليه وسلم وكلام من الله عز وجل؟؟؟ يثبت كلامي ونظريتي عن ظلام القلب ونوره؟؟؟

الران هو الغطاء والغشاوه

وكمان اول الموضوع لاتتسى تعريفنا للظلام …. انه الظلام هو اختفاء النور ولو انت وضعت على قلبك الغطاء بيصير مافي نوروالنتيجه ….بيجي الظلام في القلب

!!!!!!!!!!

كلنا بنخطئ وكلنا بقلبنا الظلام لانه مهما كان في نور بيكون في ظلام وظل مثل بدايه كلامي في التعاريف…..والحل بسيط الاستغفار والتوبه والندم

وفعل الاشياء الطيبه طبعا

 

………..

 

الظلام والشياطين والوساويس…دام انه قلبك في نور صدقني راح ترتاح من الوسوسه راح ترتاح من نغزات الشياطين

الشيطان يعيش بالظلام...ويكره النور،،،،،،عالمهم اسود مظلم

يحب الظلام ويكره النور الدليل بسيط على كلامي وهالكلام الله قاله بلسان ابليس

((فبعزتك لأغوينهم اجمعين الا عبادك منهم المخلصين))

ليش مايقدر عليهم؟؟؟؟لانه ايمانهم بالله قوي لانه قلبهم فيه نور صعب انه يوسوسلهم ويعيش في قلوبهم

 

 

 

*كيف تطرد الظلام من قلبك*


 

الجواب بسيط جاوبته فوق

بالايمان وتقوى الله وعمل الاشياء الطيبه وعمل الخير للناس وماتنتظر الاجر منهم انتظره من الله ولاتنسى دايما

قول الرسول صلى الله عليه وسلم

 

((المؤمن القوي خير واحب الى الله من المؤمن الضعيف وفي كلن خير))

 

القوه هي مجاهده الشيطان ونغزاته والصبر على العبادات والطاعات ودعوه الله بالاعانه على ادائها

ولاتنسى المؤمن القوي مو معناته بفتاله العضلات ….بالعمل والاخلاص والعلم والكلمه الحسنه

لانه اقوى سلاح اليوم هو سلاح الكلمه……السلاح اللي ينتشر بسرعه ومثل ماقلت عن دور الميديا فوق فهم غزونا بس مو بمسدسات وبوازيك وصواريخ غزونا بفكر …مو معناته اي شي يعرضونه سيئ

خذ منهم الزين واتركلهم الشين……ولاتنسى انه الكلمه الطيبه صدقهوالدين المعامله….اغلب شرق اسيا ،واندونيسيا اسلموا بدون سلاحاسلموا بصدق المسلمين وامانتهم وحرصهم على العمل ((القوه)) فبعملك وصدقك وامانتك ترفع اسم الاسلام ترفع اسمك واسم بلدك وترفع فيها رايه

لا اله الا الله محمد رسول الله

 

فخليك المؤمن القوي المؤمن المميز الشخص اللي كنت تحلم فيه وانت صغير يوم كنت تتفرج جرانديزر

:p

….شخص يحب الخير ويدافع عليه بس الدنيا مو مثل ماصوروها لنا …عباره عن حرب مجرات

الدنيا فعلا  عباره عن حرب ،،،،،،،وحرب قويه ….بس بينك وبين نفسك

والمرأ عدو نفسه….وابحث عن نفسككثير مننا مايعرف مين هو وكيف عايش وماشي…….دور نفسك وين تلقاها

طبعا راح تلقاها...ممكن تتعب لانه في بعض الناس مننا نفسه ضايعه ….وكأنها ابره وسط قش ….بس لو دور قشه قشه….بيلاقي روحه ونفسه

ولاتيأس فلا حياه مع اليأس ولا يأس مع الحياة

 

بس اهم شي دور روحك ونفسك قبل فوات الاوآن

واحب اقولكم كل سنه وانتوا طيبين وهذي هديه السنه الجديده….مدري يمكن ماحد ينتبه ايش اكتب….بس انا اكتب وارمي بالبحر يمكن احد يصيد كلامي ويستفيد منه

فالكنوز عمرها ماكانت مرميه بالشارع وواضحه للكلولا ماكانت كنوز……فلو لقيت كتابتي ان شاء الله قريب بتلاقي نفسك

 

 

وقبل ما اقفل الموضوع بسألك سؤال مره ثانيه

 

هاه الظلام ولا النور؟؟؟؟؟

 


 

 

ملاحظه:-تراني ماني شيخ تراني خربان زي زيكم

بس احب لكم الخير كلكم


^ـ^

 

لو سمحتوا يا شباب لاحد ينقل تعبي

تبي تنشر هالموضوع للخير والفايده وزع هالرابط غير كذا..،،لا

 

لانه ظلم تصرق تعب غيرك ولاتنسى انه الظلم ظلمات في الدنيا والاخره….

 

تحياتي لكم


…...THIN UGLY……

 

8 Comments

Leave a Comment
  1. nemesus / Dec 6 2010 5:56 am

    شكرررررررررررررررررررا

  2. khuzama / Jan 11 2011 9:04 am

    وااااااااااااااااااه وش اقول وش أخلي كلامك مقنع جداً ومؤثر قريته مرتين

    تسلم والله علـ الأسلوب والطرح المميز والله يجزاك عنا الف خير

    فعلا والله غير شي بنفسي

    مشكووور مره ثانيه والله يوفقك يارب ويحفظك

  3. THIN UGLY / Jan 11 2011 12:56 pm

    جزاكم الله خير كل اللي شاف الموضوع وكل اللي رد
    ويارب يوفقكم
    والحمدلله انه الموضوع فادكم واستفدتم منه
    ويارب تتحقق كل امانيكم واحلامكم

    شكرا لكم

  4. Samar / Dec 4 2011 5:18 pm

    حلووو
    كلامك جداً مرتب و منطقي🙂

  5. fantasy / Apr 24 2013 7:05 pm

    سؤال بخصوص الدجال
    هل هو حي ام لم يخلق بعد؟

    لان فيه حديث سمعته لكنني لا اتذكره بالضبط لكن يقول انه هناك شخصان ضاعو بالمحيط ولجئو الى جزيرة فاتتهم دابة لايعرفا راسها من مؤخرتها وتتكلم وقالت لهم انه يوجد رجل بكهف في تلك الجزيرة فذهبو فرأوو شخص كبير عملاق بمغلغل بسلاسل ويقول انا الدجال اللي سوف يظهر لكم اخر الزمان وعندما وضلو للمدينة قالو لرسول الله صلى الله عليه وسلم ماراوو وكان بالمسجد في صلاة الجمعة لكن نسيت ماذا قال لهم

    هل هذا الكلام صحيح ام كذب ؟

    • THIN UGLY / Apr 25 2013 4:55 am

      الحديث صحيح ١٠٠٪،، والراوي هو ((تميم الداري)) ابحث عن الحديث ،، والحديث دلاله واضحه ان الدجال موجود منذ القدم…والله اعلم

  6. chaima / Oct 21 2013 1:09 pm

    اخي الله يجزاك كل خير و يجعلك من اهل الجنة انت والديك وجميع المومنين

    • THIN UGLY / Nov 11 2013 5:41 pm

      امين واياك وجميع المؤمنين

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: