Skip to content
February 23, 2013 / THIN UGLY

اخر الزمان :الجـــــــزء الثــــــاني قصة يأجوج ومأجوج

السلام عليكم ورحمة الله وبركاته

اللهم صلي على محمد وعلى اله وصحبه أجمعين

لاتقرأ هالموضوع الا اذا قريت قصه ذو القرنين رجاء

خلصنا قصة ذو القرنيــــــن ،، أكيد انت الحين اقتنعت باللي قلتله عن ذو القرنين عشان كذا تبغى تكمل؟؟ اوكي حلو الحمدلله يارب يفتحها عليك وينور بصرك وبصيرتك

الكلام اللي بقوله الحين صعب صعب صعب خصوصا اننا تربينا على عكسه،،للاسف المشكله انه في ناس الله يهديهم مابغى اتكلم فيهم هم السبب

والله احنا في رقبتهم ليوم الدين وياويلهم من الله عز وجل يوم السؤال

فصلوا الاسلام عن الواقع ،،، تتذكر الايه الكريمة ؟؟

“وَنَزَّلْنَا عَلَيْكَ الكتاب تِبْيَاناً لِّكُلِّ شَيْءٍ”

يعني يوصف كل شي ويشرح كل الاحداث اللي صارت واللي بتصير ،، ولكن في ناس لاهداف في نفسها منعت هالشي مننا وعلقوا تفسير القرآن للسلف فقط للسلف

للجيل القديم ،، وبكذا يمنعوا اي تفسيرات مستقبليه،،؟؟ كيف كذا

اتذكر مره برمضان وسبحان الله ماعادتي افتح الراديو وكان في وقت افتاء

قام شخص عادي زيي زيك سأل الشيخ بدون ذكر اسماء،،وقاله ياشيخ نسمع عن الاعجاز العلمي في القرآن وايش حكم تذاكره عند الناس

تعرفوا وتتوقعوا ايش رد الشيخ العربي اللي من كبار الشيوخ..؟؟

لايجوز الخوض في هذه الاشياء مافسره السلف هو الصحيح …؟؟

وانتهت الفتوى ،، نعم ياشيخنا نعم؟؟لوسمحت وش قصدك السلف ياخي اوكي انا مصدق بالسلف رحمهم الله جميعا واسكنهم فسيح جناته بس ماعاصروا اللي عاصرناه الحين فماراح يقدروا يوصلوا لتحليل صحيح للي بيصير الحين،،

عموما احنا نعرف فتنه اخر الزمان وانه فتنه مامرت على البشريه ابدا،، لو تطالع حولينك،،وتشوف ،، وتتمعن تعرف انك عايش في هذا الزمان؟

كل شي مختلف عن زمان التاريخ كله ماشاف تطور تكنلوجي مثل هذا من ايام ابونا ادم عليه السلام،، نعيش بزمن ماحد عاشه زمان،،شي غريب وماورد بالقرآن الكريم؟؟غريبه !!امور كثير صايره خطأ وماعاد مفهومه؟

شي غريب صحيح؟؟؟؟

اسرائيل مالهم دولهم من ٢٠٠٠ سنه وفجأه صار لهم دوله غريبه؟؟

 

مو الله عز وجل طردهم مين رجعهم ثاني ،،،العماير وناطحات السحاب في كل مكان حتى الحفاه العراه عندهم ناطحات سحاب الحين؟

ومالزلنا ننتظر ظهور الشمس من المغرب ،، ويأجوج ومأجوج والدجال!! امممم

اسئله كنت اعيشها كل يوم اعظم فتنه اسمها اعظم فتنه على وجه البشريه؟؟ تتوقع يوم يأجوح ومأجوج ناس همج صغار واذانيهم طوال يجروا ويشربوا كل شي

ويلوثوا العالم ،، والناس تشرد جري للجبال انه هالاحداث الواضحه للناس فتنه؟؟ غريبه هالفتنه ما اشوف انهم اعظم فتنه؟ لانها شي سهل تتعرف عليه وتقي نفسك منه!!

لما ندعي بكل تشهد اللهم قنى فتنه المسيح الدجال وانه كل نبي يحذر قومه منها ويكون رجال يطير ويحي الموتى ويرجع البصر وعنده شياطين تتشكل بشكل بشر؟

اعظم فتنه ؟؟ ما اعتقد ابدا لانه بيكون واضحة للكل والجميع

فكر معي هل هذي من جد فتنه؟؟ غالبا الفتنه شي ماتدري عنه شي تكون غافل عنه ،، الفتنه تكون شي عظيم مو نفس القصه اللي حكتني اياها جدتي انه يجي ناس يشربوا المويه وياكلوا الزرع وخلاص.

ولا رجال يحفر الارض ((الدجال)) ويستخرج الكنوز ومعاه بين يدينه جنه ونار؟ ولا تحاول تشوفه لانك بتنخدع ما احنا منخدعين من زمان الا من رحم ربي

للاسف.

عموما نكمل قصه ذو القرنين وانه بنى السد في جبال القوقاز مثل ما ذكرت طيب مين هم يأجوج ومأجوج ؟؟

ناس شعورهم طويله همج ،، يتلحفون بآذانهم ياكلوا الاخضر  واليابس ،، يشربوا ماء بحرية طبريه كلها ويكملوا يغزوا البشرية ،، امممممم

انا بمشي مع هالقصه طيب وايش كمان؟؟ احسن نفسي بافلام كرتون والله ..معليش ايش التخريف هذا؟

طيب خلينا نعتبر انهم ناس بدائيين وهذي صفاتهم ،، كم يبغالهم وقت لين يشربوا بحيرة طبريه؟؟؟ اممممممممم شهر وبعدين عشان يجوا من القطب الشمالي للدول العربيه كم يبغالهم سنه مشي او على حصان ؟؟ ياناس لاتعطوا عقولكم لغيركم…؟؟

في احد لاعب علينا لعب مو طبيعي

ماحد يتكلم ولا احد يشرح ابدا وش معنى هالكلام ماحد تعب نفسه وفكر بهالموضوع وانا اقصد المشايخ النايمين بالعسل يا يعرفون الحقيقه وساكتين او انهم ماعندهم العلم والبصيره انهم يشرحوا الموضوع ويحللوه تحليل صحيح
،، صراحه شيوخنا هاليومين مشكوك في أمرهم فكل واحد مااشاء الله عنده قصوور وفلل وعمائر
يعني خلينا نقارن بالشيوخ القديمين السيد قطب مثلا او احمد بن حنبل او غيرهم كانو بالسجون مع الرغم انه حكوماتهم كانت اسلاميه اكثر من حكوماتنا اليوم؟؟؟
هالشي مو شي غريب؟؟؟

فعلا هذا مصداق لحديث الرسول صلى الله عليه وسلم

عن علي بن أبي طالب رضي الله عنه قال : قال رسول الله صلى الله عليه وسلم :
( يوشك أن يأتي على الناس زمان لا يبقى من الإسلام إلا اسمه ، ولا يبقى من القرآن إلا رسمه ، مساجدهم عامرة وهي خراب من الهدى ، علماؤهم شر مَن تحت أديم السماء ، مِن عندهم تخرج الفتنة وفيهم تعود  ) اللهم صلي وسلم على حبيبنا محمد صلى الله عليه وسلم

ايوا هذولا السبب شوفوا كم مسلم بالاسم؟؟ مايحتاج اتكلم يعني ،، شوفوا المساجد قد ايش كثيره ،،مافي اكثر منها وكلها بس فاتحه وقت الصلاه وخلاص  واذا فيه شي بس بيكون تحفيظ قرآن وسبحان الله زمان الرسول صلى الله عليه وسلم المسجد نواه لكل شي منها بدى غزواته،، منها كان خطط على مستقبل الأمه منها علم الصحابه فرائضهم منها علمنا كل امور حياتنا والحين؟؟

صلي وارجع بيتك ! انا ما احب استخدم هاللغه بس هذا الواقع للاسف ، اصحوا ياناس

نكمل كلامنا

ونرجع ليأجوج ومأجوج

وصلنا بقصة ذو القرنين للسد اللي في جبال القوقاز وبنى الحاجز والردم هناك

بعض الادله على المكان وقصه ذو القرنين

روى الإمام محمد بن جرير الطبري بسنده عن ابن جريج، عن عطاء الخراساني، عن ابن عباس في قوله: حتى إذَا بَلَغَ بينَ السَّدَّيْنِ، قال الجبلين: الردم الذي بين يأجوج ومأجوج، أمتين من وراء ردم ذي القرنين، قال الجبلان: أرمينية وأذربيجان

وقال ابن عباس حبر الامه وترجمان القران: (هو في منقطع بلاد الترك مما يلي ارمينيا وازربيجان)

قال الشيخ محمد بن صالح العثيمين: وجدت في مجلة التمدن الإسلامي، الصادرة في رمضان سنة 1378هـ 756 تحت عنوان: سد يأجوج ومأجوج ما نصه: توجد في العتبة الواقعة بين بحر الخزر(هو بحر قزوين)، والبحر الأسود، سلسلة جبال توقان، كأنها جدار طبيعي، وقد سد هذا الجدارُ الجبلي، الطريقَ الموصلة بين الشمال والجنوب، إلا طريقًا واحدًا بقي مفتوحًا، هو مضيق داربال، بين ولايتي كيوكز وتفليس، حيث يوجد الآن جدار حديدي من قديم الأزمان. وذكر أنه منقول من كتاب: شخصية ذي القرنين، من منشورات دار البصري في بغداد. اهـ. مجموع فتاوى ورسائل ابن عثيمين 7/206.

هذي كلها ادله تعزز موضوعي السابق

========

.

طيب من هم يأجوج ومأجوج وايش صفاتهم الحقيقيه ؟؟

خطب رسول الله صلى الله عليه وسلم الناس وهو عاصب إصبعه ، لدغته عقرب ، فقال : ” إنكم تقولون : لا عدو ، ولا تزالون تقاتلون عدواً حتى تقاتلوا يأجوج ومأجوج ، عراض الوجوه ، صغار العيون ، صهب الشعاف من كل حدب ينسلون ، كأن وجوهم المجان المطرقة ” . رواه غيره عن محمد بن بشر ، عن محمد بن عمرو ، عن خالد . أخرجها أبو نعيم ، وأبو موسى

سبحان الله ماعمره احد قالي هالصفات وخصوصا صهب الشعور؟؟؟؟

هذي لحالها مفتاح اولي للغز ،، كل البشريه شعورهم سوداء وبنيه بس في ناس صهب الشعور؟؟

يعني ايش صهب؟

كما بينت الأحاديث بعض صفاتهم الخلْقية وأنهم عراض الوجوه، صغار العيون، شقر الشعور، وجوهم مدورة كالتروس . رواه أحمد .

يعني بالعربي اشقر ،،؟؟وااااااااو

مفاجئه هاه سد في جبال القوقاز وشعور شقراء عمرك سمعت بالجنس القوقازي؟؟؟ لاء؟؟

على فكره كل الاوربيين البيض وكل الامريكان يقولوا انهم قوقازيين ،، غريب ينسبوا نفسهم لهالجبال !!ليش هالجبال بالذات يعني؟

اتذكر رحت لقسيس وسألته تعرف يأجوج ومأجوج استغرب من سؤالي وقالي كيف عرفتهم؟ قلت القرآن تكلم عنهم زادت دهشته

قال وايش قالكم عنهم الاسلام ،، قلتله بعد ماتجاوبني اجاوبك ؟

مين يأجوج ومأجوج قالي احنا نعرف طرف ومانعرف الطرف الثاني ؟

قلتله طيب مين الطرف الاول ،،قالي

((روسيا))

نعم روسيا هيا الطرف الاول يامسلمين حتى اليهود عارفين والمسيحيين عارفين واحنا أمه محمد مانعرف! معقوله؟

الطرف الثاني امريكا طبعا وبعدين اقولكم الادله عموما يأجوج ومأجوج هم الجنس الابيض القوقازي الجنس الاوروبي بشكل عام واليهود الخزر الاشكناز بشكل خاص

انا بتكلم من ادله ملموسه عشان مايكون كلامي انشائى

نبدأ بأدله القرآن الكريم كلام الله عز وجل

سبحان الله الخالق العظيم كلام بسيط ومعاني كثيره فعلا كلام لايقوله الا خالق

(( وَحَرَام عَلَى قَرْيَة أَهْلَكْنَاهَا أَنَّهُمْ لَا يَرْجِعُونَ # حَتَّىٰ إِذَا فُتِحَتْ يَأْجُوجُ وَمَأْجُوجُ. وَهُم مِّن كُلِّ حَدَبٍ يَنسِلُون))

صدق الله العظيم

طيب نرجع للتاريخ ونشوف المفتاح ليأجوج ومأجوج

الله قال بالقرآن انه في قريه محرمه،، حرام انه اهلها يرجعون لها ؟؟تتوقعون وش هي هالدوله او القريه؟

اممممممم نرجع للتاريخ شويه سليمان عليه السلام وداوود عليهما السلام اسسوا دوله اسمها اسرائيل وعاشوا الاسرائيليين فيها بسلام

الى ان طغوا واعلنوا طغيانهم وعصوا الله عز وجل وايش صار؟

طردهم الله منها وفرقهم بالارض تفريق

هذا حلمهم من زمان ولو تترجموا النشيد الوطني اليهودي تسمعوا انه حلم دام ٢٠٠٠ سنه

والحين في دوله اسمها اسرائيل مدعومه دعم كامل ومأهوله من قبل القوقازيين؟

سبحان الله

شي غريب

شوفوا الشرط اللي بالايه الكريمه

((حتى اذا فتحت يأجوج ومأجوج))

هذا السبب

((وهم من كل حدب ينسلون))

انتم شايفينهم بالسعوديه بمصر بتونس بالجزائر بليبيا بكل مكان كمان خلينا نقول شوفوا مسيطرين على كل اوروبا + استراليا + امريكا الشماليه وكندا فين كان هذا الشعب زمان؟؟كان مختفي ورا السد. وشوفي اصلا مافي احد يقدر عليهم اقوياء عندهم نووي يعني مثل الحديث لايدان لاحد بقتالهم شعورهم شقراء

عيونهم صغيره تفرجوا وشوفوا صور بوش كلينتون اليزابيث البابا يوحنا الامثلة عليهم كثيره

،،ماتركوا بلد بحاله غزونا كلنا حرب العراق حرب بين ايران والعراق حرب الخليج حرب اكتوبر حرب على فيتنام حرب على اليابان  حرب على جنوب امريكا

عاثوا بالارض الفساد بريطانيا بدأتها واحتلت العالم العربي واسيا ماتركوا ارض الا وطئوها  ((من كل حدب ينسلون)) استنوا ياجماعه انا قلت فساد؟؟؟؟

اوووووه كلمه سحريه ثانيه ،،، لحظه لحظه الله عز وجل قال من صفاتهم انهم فعلا مفسدين بالارض يعني كل انواع الفساد

((قالوا يا ذا القرنين إن يأجوج ومأجوج مفسدون في الأرض))

يللا نجيب ورقه وقلم ونشوف انواع الفساد اليوم نبدأ بسم الله

فساد اخلاقي ((دعاره وقله حياء)) عقوق والدين ،، تبرج وسفور ،، ظلم وكراهيه ،، حروب ،، حيوانات تنقرض ،، ارض ملوثه ،، امرض مخبريه “انفلونزا الخنازير، انفلونزا الطيور ، الايدز ،، فساد اداري ،، انحراف جنسي ،، فقر ومجاعات ،، فساد ديني فساد اجتماعي ،، فساد اسري ،، شرب وخمر في كل مكان بالعالم حتى بالمطارات صار في شراب

انواع الفساد الي ماعمره البشريه شافت زيه

هاه لسى مو مقتنع انهم خرجوا؟

اقولك اذا مو مصدق استناهم من ورا السد المخفي،،،؟ خلاص تبغى ادله كمان ابشر بدليل من السنه النبويه

“إذ أوحى الله إلى عيسى: إني قد أخرجت عبادا لي لا يدان لأحد بقتالهم، فحرز عبادي إلى الطور. ويبعث الله يأجوج ومأجوج وهم منكل حدب ينسلون. فيمر أوائلهم على بحيرة طبرية فيشربون ما فيها، ويمرآخرهم فيقولون: لقد كان بهذه مرة ماء، ويحضر نبي الله عيسى وأصحابه إلى الأرض فلا يجدون في الأرض موضع شبر إلا ملأهزهمهم ونتنهم، فيرغب نبي الله عيسى وأصحابه إلى الله، فيرسل الله طيرا كأعناق البختفتحملهم فتطرحهم حيث شاء الله “رواه مسلم

اوكي يلا نتفرج شويه يوتيوب

كويس يمروا اولهم ويقولوا لسى باقي مويه؟؟؟ امممم مين ساكن فلسطين الحين اليهود عيال عم العرب؟؟ ولا اليهود الشقر ؟؟

اليهود الاشكناز الخزر؟ طبعا اليهود الخرز اللي ماهم من نسل ابراهيم اللي هم من نسل يأجوج ومأجوج
بجيب دليل ثاني من حديث الرسول صلى الله عليه وسلم


عن البخاري عن زينب بنت جحش -رضي الله عنها- أن النبي -صلى الله عليه وسلم- خرج يوما فزعا محمرا وجهه يقول: لا إله إلا الله، ويل للعرب من شر قد اقترب، فُتح اليوم من ردم يأجوج ومأجوج مثل هذه، وحلق بإصبعيه الإبهام والتي تليها، قالت: فقلت: يا رسول الله، أنهلك وفينا الصالحون؟ قال: نعم، إذا كثر الخبث

شوفوا ايش جالس يصير في الاوطان العربية بالذات؟؟ شوفوا الحرب اللي صايره عندنا فلسطين من يوم ماوعيت بالدنيا وهم يتقتلوا آلاف القتلى والجرحى ،، الجزائر بلد المليون شهيد الامة العربيه تفككت وهلكت

روح المطارات واشوف العرب في كل مكان بالعالم يتعاملوا زي الصراصير والجرذان

اذا كنت عربي فانت ماتسوى شي ،، حقد دفين بين العرب بينهم وبين بعض تكالبوا علينا الكفار (يأجوج ومأجوج) قتلونا حاربوا الحجاب وحاربوا ثقافتنا

ياخي احيانا اتمنى اني هندي بالمطار على اني اكون عربي عشان اجرائات التفتيش والتطفيش والعنصرية

هذا لأنك عربي هذا لانك مسلم والقادم اعظم فمصيرنا كلنا يارب استر علينا بيكون اسوأ من سوريا

انا هنا انبه واتكلم انتا مو مجبر تصدق بس جيبلي دليل وكلام منطقي اكثر من كلامي نتناقش

انا برضو ابغى استفيد

شوفوا هذا المقطع لتصاريح زعماء اليهود الاشكناز منذ وبعض هذه التصريحات منذ حوالي ٦٠ سنه

وتفكر في مخططهم وكيف ينوون لاباده العرب كافه وبشكل الخصوص والعالم عامه

فعلا ويل للعرب من شر قد اقترب !!!

.

هذولا هم اليهود الخزر لاحظ مكانهم وانه مملكتهم ما امتدت جنوب ليش؟؟؟ عشان السد

صوره للمملكه الخزر قديما

شوفوا مكانها ورا السد بالضبط؟

تبغى ادله كمان على حركتهم القديمه عشان تشوف انهم ابدا مامروا من جبال القوقاز لانه في سد يمنعهم من الوصول؟؟؟

هذي خريطه قديمه تدل على مكان السد

لاحظوا الاسم وعلى فكره  هذا موقع تقدرون تقرون فيه عن يأجوج ومأجوج بالانجليزي الكاتب ماعبر بهالاسمين بس قال ((مملكه الخزر)) وقال شي مره مهم انهم لو مملكة الخزر ماكانت موجوده كانت اوروبا والعالم بخير وخصوصا لما انبنى السد ومنعهم من الدول العربيه والفارسيه اتجهوا ليعيثوا الفساد بأوروبا واختلطوا فيهم !! كلام جدا معبر على شده فساد هذولا القوم

موضوع مملكة الخزر بالانجليزي

موقع مسيحي يشرح يأجوج ومأجوج بالنسبه لكتابهم المقدس

Gog  تعني يأجوج

Magog مأجوج

يأجوج ومأجوج من النظري المسيحية

شفتوا زي ماقلتلكم هما عارفين مين يأجوج ومأجوج عشان كذا اليهود سألوا الرسول صلى الله عليه وسلم عشان عندهم علم بالموضوع وملمين فيه

هذي خريطه تبين انهم ماكانو يقدروا يعبروا الجبال هذي واذا تحركوا يتحركوا عن طريق البحر وطبعا صعب تجيب جيش كامل وتغزوا البلدان العربيه من الشمال لان زي مانعرف الرحلات البحريه وخاصه اللي بالجيش تكون مكلفه ومتعبه وتاخذ وقت اطول من البريه فسبحان الله رحمة من ربي انهم ماغزونا من زمان

موضوع اجبني ثاني يتكلم عن تاريخ الخزر

عموما لاعطاء كل ذي حق حقه

اشكر الشيخ عمران حسين اغلب معلوماتي كانت منه انا ماسلمت احد عقلي بس انا متعمق في هذي المواضيع من زمان

وكان عندي خلفيه وماكان عندي الدليل الملموس

انا شاركتكم كل اللي عندي والله يشهد انها امانه وانا ابلغكم هي

هذا فيديو ملخص فيه الموضوع

وهذا الفيديو كامل للقصه

وانت وضميرك ابحث وشوف ،، وفكر واحكم

لاتعطي احد عقلك

 ملاحظة :- رجاءا لا احد يسرق تعبي ويحطه بالمنتديات الى بعد اذني فهذه سرقه للفكرة وللتعب والجهد

والله لا احلل من يقوم بهذا العمل المشين

عزيزي القارئ يمكنك ان تستفيد اكثر بالموضوع في خانه الحوار فلقد شرحت الموضوع ورددت على الاستفسارات

فاتمنى منك قرآئه الاسئله والاجوبه لتستفيد وتثري معلوماتك

المعذره فجدولي جدا مزدحم ولا يمكن ان ارد على اسئلتكم اكثر فما قلته بالاجوبه كافي ومفصل ولك حريه الاختيار والبحث بنفسك بعد ذلك

ولا تتبنى افكاري الا وانت مقتنع فيها تماما

اسئله للمساعده على التفكير السليم

السؤال الأول: اذا كنت مما يعتقد بان عصر يأجوج ومأجوج عصر السيوف والخيوف هل هناك مايثبت ذلك بالكتاب والسنه؟؟

السؤال الثاني:اذا كنت تعتقد انهم من اهل الشمال يعني القطب الشمالي فكم ستسغرق رحلتهم من ارضهم الى سوريا مشيا بالاقدام او على خيول واذا كانوا بالملايين كم خيل كان معهم تحت الارض لو انك تعتقد انهم تحت الارض؟؟ فقصه الحاج “هاجيتش” دليل على بعد المسافه فمابالك في القطب الشمالي او بالصين او تحت الارض

السؤال الثالث: كم سيستغرقون من الوقت لشرب مياه طبريه كلها؟؟

السؤال الرابع: هم مفسدون بالارض المغزى كوكب الارض فكم يوم سيسرون بالاراضي كلها وافسادها قبل الوصول لعيسى ابن مريم؟؟

السؤال الخامس : اين هم هؤلاء البشر بوجود التكنلوجيا المتطوره التي اكتشفت حتى اعماق المحيطات ولم تكتشفهم فهم بنو بشر وليسوا جن لكي يكونوا غير مرئيين

السؤال السادس: لو تعتقد انهم بشر اوصافهم غير التي ذكرت هل يوجد حديث صحيح على ماتقول؟؟

فكروا وابحثوا فهذه الاسئله تساعد على التفكير والبحث  فلا تكونوا متلقين بل كونوا مفكرين

اذا كنت عالم في هذا المجال او لديك خلفيه وعلم ومطلع بالموضوع ولديك مايثبت انني على خطأ فأهلا وسهلا بالحوار لان الحوار يجب ان يكون قائم بين طرفين لديهم علم فيما يقولون

اما ان يكون الحوار عباره عن سؤال وجواب فلن يفيد هذا اي احد ولو عندك سؤال ابحث عن جوابه انت فانا احثك مجددا على البحث بنفسك ولا تسلم عقلك لاحد

وفي الختام اتمنى منكم نشر الموضوع في الفيس بوك والتويتر لجميع من تعرفونه لتعم الفائده للجميع

تحياتي لكم جميعا

 THIN UGLY

February 11, 2013 / THIN UGLY

آخـــــــر الزمــــــــــان:الجزء الأول رحلة ذو القرنــين

بســـــم اللــــه الرحمـــــــن الرحيــــــــم

السلام عليكم ورحمة الله وبركاته.. موضوعنا اليوم غريب وعجيب،، موضوع يهمنا كلنا بلا استِناء،، اتمنى منكم تغمضوا عيونكم الخارجيه وتفتحوا عيون قلوبكم

احنا الحين في اصعب اختبار يمر بالبشرية كلها من ايام ابونا آدم عليه السلام،،

لسبب مجهــــول احنا ما نتعلم ولا ندرس هالموضوع او نتطرق له ابدآ ،، اعطينا عقولنا اللي وهبنا الله لغيـــرنا وصل الكسل فينا اننا نخلي غيرنا يفكر بدالنا صرنا قطعان بشرية للأسف طبعا ما اقصد الكل ولكن الاغلب،، فعلا زمننا هذا مصداق لحديث الرسول الأمين صلى الله عليـه وعلى اله وصحبه وسلم (( يَأْتِي عَلَى النَّاسِ زَمَانٌ يُكَذَّبُ فِيهِ الصَّادِقُ ، وَيُصَدَّقُ فِيهِ الْكَاذِبُ ، وَيُخَوَّنُ فِيهِ الأَمِينُ ، وَيُؤْتَمَنُ فِيهِ الْخَئُونُ ، وَيَشْهَدُ فِيهِ الْمَرْءُ ، وَإِنْ لَمْ يُسْتَشْهَدْ ، وَيَحْلِفُ الْمَرْءُ ، وَإِنْ لَمْ يُسْتَحْلَفْ  ودي اوقف على هالحديث لحظات أتفكــــر ،،، ياسبحان الله فعلا اليوم تستأمن الكافر ،، وماتسأمن اخوك المسلم انا شايفها بعيني وخاصتا بالخارج لما تشوف واحد عربي مسلم يقول ،، انا ما أستأمن اشتري سياره او شي من بائع عربي مسلم واشتريها من استرالي او امريكي كافر ،، فعلا يؤتمن الخائن الكافر المشرك الملحد ،، ويخوون فيه المسلم الموحد ؟؟ .

الحلف صاير ببلاش ،، صادق كذاب تحكي قصه تنكت ،، الحلف جزء لايتجزأ من حياتنا الحين واسم الله صار في كل كلامنا(( انا اتكلم عن نفسي ادعولي ربي يهديني انا احلف زيي زي الناس الباقيين وانا من اليوم وطالع راح احاول اني ما احلف)) ،، الحلف كان زمان لــه كفاره صيام ثلاثه ايام والحين ؟؟

فعلا الحديث يتكلم عن هالزمان ،، يحلف الواحد من غير ما احد يطلب منه ،، ليش؟؟؟ ليش؟ ليييييش؟؟

لذي الدرجه صرنا كذابين والواحد مايتصدق الا لما يحلف؟؟

فعلا شي مؤلم،، عودني عليه المجتمع اللي عايش فيه بس بحول الله ببطله وانت كمان ياللي تقرأ ان شاء الله تحاول معاي وتبطل

 

نرجع لموضوعنا اننا احنا بأكبر فتــــنة،، احنا نعرف انه فتنـــة اخـــر الزمــــان اشد فتنه على بني البشر ،، ليش بتكون اشد فتنة ؟ لأن الناس ماتدري عنها والواحد بيكون مايعرف هو يصدق مين ويكذب مين

في حياتي مريت بفترات فراغ روحية كثيرة ،، ووصلت لمرحله اسأل فيها عن وجود الله ووجود الدين هل فعلآ موجود ،، وين الدين عن كل الأحداث اللي تصير حوليني ،، كيف الرسول صلى الله عليه وسلم والقرآن ماشرحوا لنا شئ؟؟ فيه ظلم طغيان كفر وجحود ،، فيه ناس بالعلن تسب الله عز وجل ،، المعصيه والفجور في كل مكان،،!! وين عقوبة الله عز وجل؟؟

الين ما الله عز وجل منّ علي وخلاني أعرف جواب كل تساؤلاتي صرت اشوف العالم فعلا

صرت اشوف كيف الاسلام موجود وشرح كل شي ،، وكل اللي يصير حرب بين الاســـلام وبين الكفر،، العالم اللي يدعي انه ملحد اصلا ماهو ملحد واهدافه دينية شركية ،،ضد الله ورسوله

ببساطة احنا نعيش فترة حرب بين الخير والشر ،، الاسلام والكفر ،، صحيح انه الكفر الحين اقوى بس الاسلام راح يرجع عزيز كما كان

انا راح اشرح ليش الاسلام الحين مكتوف اليدين وضعيف وراح اشرح كل شي بهالموضوع بس مثل ما اطلب منك عزيزي القارئ انك  تفتح عقلك معاي

مو معناته تعطيني عقلك لاء ،، خلي عقلك معاك ،، فكـــر وتفكـــر ولا تقبل فكرتي الا لما تقتنع فيها ولا لاتقبلها هذي لغـة الحوار السليم

للأسف تربينا بس على التلقين والحفظ والترديد فعلا ببغائات او بالاصح ،، آلات بشرية 

حــــرر عقـــــــــــــــــــــــــــــــــــــــــــــــــلك

وان شاء الله راح تحس بالفرق لما تخلص الموضوع وتقراه للأخيـــــــر…

ويللا نبدأ

سبحان الله وحكمة من الله عز جلالة اني درست تاريخ بعد ماصار لي مشاكل في تخصصي السابق ودرجاتي، انا اعرف ومؤمن انه الله عز وجل يسووي كل شي لحكمة ،، وماكنت اعرف الحكمة من اني ادخل واخذ كلاس في تاريخ الشرق الادنى القديم الا اني اعرف عن الفراعنه والمصاريه والعراق والشام وجزيرة العرب

ماكنت اتوقع اني بقابل  في التاريخ استاذ دكتور مصري يخاف الله ودائما كان يربط التاريخ بالقرآن ،، وكان يحكينا عن الاسكندر المقدوني اللي يشكّوا فيه الناس انه هو ذو القرنين ،، اللي ببدأ فيه كلامي والقصه وهدفي من القصة ،، حتى من علمه كان يربط قصص موسى وابراهيم والفراعنه وتاريخهم وصادفوا مين من حكام مصر

كان دايما يقول انه الاسكندر ممكن يكون هو ذو القرنين لانه العملة تبين انه يلبس قرنين وجال وصال الارض غرب وشرق وكان قوي.. بس المشكلة كان مشرك مؤمن بآلهه الاغريق ويرافق المنجمين ،، صعب يكون هو ذو القرنين او اقرب للمستحيل او انه التاريخ مكذوب،،

صوره توضح عملة الاسكندر المقدوني

كنت اسأله طيب مين ذو القرنين ؟؟؟ اذا ماكان الاسكندر  مين بيكون؟؟ كان يقولي يمكن يكون هوا وممكن لاء وبقولك درس مهم في التاريخ خذه معاك وين مارحت  الدرس بسيط

“ده التاريخ مليان فشااااارين وانتا لازم تكون شاطر وتسمع وتجمع البراهين من كل مكان عشان تعرف الحقيقة

هذا الدرس سبحان الله هذي الكلمتين هذا الدكتور خلاني اعرف كيف افكر ،، ما اصير متلقي وبس! واتمنى منك يالي تقرا كلامي تتعلم هالدرس وتستفيد منه في حياتك ،، والله انه هالدرس غااااالي ناس كثير غافلين ومستسلمين وانا متأكد دام انك انتا هنا انتا انسان حر ،، مفكر ،، ذكي ،، والله عز وجل خلقك هنا لهدف ماتدري ايش هوا بس مثل ما الدرس اللي تعلمته قبل عشر سنين والقدر اللي رماني في هالتخصص وكنت معترض عليه

كان سبب كبير في تعليمي اليوم والحمدلله على هالنعمه وعلى اللي صار

،،

يللا اجل خلينا نتكلم من جد الحين،، عن حقيقه ذو القرنين والرحلة الاعجازيه اللي وكله الله عز وجل وخلينا مثل ماعلمتكم الحين نحلل الموضوع كامل عشان نعرف مين هو بالضبط ذو القرنين واعلمك الاستراتيجيه والمنهجيه الصحيحه عشان نقدر ندخل ونغوص في اعماق ومحيطات الموضوع ونطلع باللؤلؤ والمرجان القصة

ولا تنسى انه اللي يسأل مايتوه

لازم تسأل وتتفكر عشان توصل للنتيجه من غير التفكر والسؤال ماراح تلاقي جواب

عموما يللا ندخل بذي القرنين ونعرف مين هوا وطريقه القصه راح تكون عن طريق السؤال والجواب طبعا،، لاتخاف مايحتاج تجيب ورقه وقلم وتكتب الاسئله انا بريحك وبسأل وبجاوب ،، ومثل ماقلت ببدايه الموضوع لك الاحقيه الكامله بالسؤال والنقاش الجاد معي او مع نفسك عشان تعرف الحقيقه الكاملة

ـــــــــــــ ذو القـــــــــــــرنـــــــــــــــــــــين ـــــــــــــــــــ،، القائد المسلم اللغز ،،

طيب عشان نعرف مين هو ذو القرنين لازم اول شي نعرف ليش تم ذكرة بالقــــرآن الكريـــم ؟؟ خلونا نفتح القرآن سوا ونقرأ مع بعض

اعــــوذ بالـلـه من الشيطان الرجيم.

“وَيَسْأَلُونَكَ عَنْ ذِي الْقَرْنَيْنِ قُلْ سَأَتْلُو عَلَيْكُمْ مِنْهُ ذِكْرًا..الآية”

حلو حلو حلو مسكنا الخيط الأول ،،، ويسألونك عن ذو القرنين اممممم في احد جالس يسأل الرسول صلى الله عليه وسلم عن ذو القرنين يعني الله عز وجل ماذكر قصته كباقي القصص مثلا قصه يوسف عليه السلام ،، ماقال الله عز وجل في كتابه مثلا ويسألونك عن يوسف؟؟ ولكن الله عز وجل قص قصة يوسف عليه السلام كاملة بالقرآن الكريم ولكن ذو القرنين حاله خاصة

فيه احد بيسأل عن ذو القرنـــين

خلينا نرجع للتاريخ أجل ،، مين يسأل الرسول عليه الصلاة والسلام عن ذو القرنين ؟؟

لما هاجر الرسول صلى الله عليه وسلم من مكـــة الى المدينة المنورة كـــان في يهود بالمديـــنة هل كانوا فيها مصادفــــه ،، هههههه لا لا ما اعتقد صدفة ومستحيل انها تكووون صدفة .. ليش كانوا اليهود بالمدينة؟  ايش كانوا يسووا بالمديـــنة ؟؟

الجـــواب كانوا عارفين انه خاتم الرسل والانبياء بيكون في المدينة..

،، كانوا اليهود عارفين انه فيه رسول بيجي المدينة وكانوا يتوقعون انه من نسلهم مو من قريش،، فهم مساكين لليوم يعتقدون انهم شعب الله المختار وانه الانبياء مايجووا الا من نسلهم لكن للاسف الرسول طلع عربي من نسل اسماعيل عليه وعلى ابوه افضل الصلاه والتسليم

فلما جاء الرسول للمديــنة حبوا يستجوبوه ويسألوه عن اسأله مايجاوبها الا رسول ،، وطبعا اي احد بيحاول او بيسأل سؤال او بيختبر احد لازم يسأله سؤال يكون عارف جوابه

مثال بسيط اذا انا حبيت اسألك واختبر معلوماتك لازم يكون عندي الجواب الصحيح عشان اعرف هل انتا جاوبتني صح ولا غلط؟

مثلا انا سألتك ١+١ كم حتقولي ١٠ لو انا ما اعرف الجواب على سؤالك يمكن اصدقك واقول صح ١٠ بس لاني اعرف انه الجواب ٢ راح اعرف انك كذاب وما تعرف رياضيات

فالاسئله مختاره من اليهود بعنايه واكيد عندهم الجواب ،،وطبعا بما انهم يهود وكلاب وانجاس ماراح يعلموني انا وانت الجواب وراح يتحفظوا فيه لنفسهم بس الله عز وجل جاوبهم لا وجاب كمان موضوع يأجوج ومأجوج  يعني مو بس جاوبهم الله عز وجل عن ذو القرنين الا جاوبهم عن يأجوج ومأجوج المرتبطين بآخر الزمان واكيد اليهود يعرفوا يأجوج ومأجوج،، وراح نجي لها الموضوع قدام..

اذا لو بنمشي بالطريقه التحليله يعني ذو القرنين مذكور بالتوراه قبل كذا وبالكتب اليهوديه واكيد يعرفوه تمام المعرفه اذا من هو ذو القرنين؟؟؟

انا للاسف سألت السؤال لمشايخ ومايعرفوه وكثير ناس مايعرفوا ذي القرنين ويقولوا هذي قصه وخلاص مالك شغل بالباقي

كيف مالي شغل بالباقي؟؟؟ لازم اعرف ذو القرنين لازم اعرف وين السد حق يأجوج ومأجوج هذا شي مهم وارد بالقرآن مو مجرد قصه عابره ..؟؟

عارفين انه ذو القرنين حكم المغرب والمشرق،،

المغرب والمشرق زمان مو مثل اليوم يعني من امريكا لليابان مثلا لاء ..غرب الجزيره العربيه وشرقها طيب هذي خريطه تبين المملكة هذي

خريطة مملكة ذو القرنين

صوره توضح تمثال ذو القرنين والقرنين اللي بالصوره

صوره تمثال ذو القرنين الحقيقه

صوره في استراليا منحوتة طبق الاصل لتمثال ذو القرنين الحقيقي

اذن من هو ذو القرنين

هو الحاكم العادل المؤمن بالله  هو القائد كوروش او سايرس موجود بالتوراة وموصوف بالشجاعه والقوه والايمان بالله والعدل

ومعروف انه قام برحلتين رحله للغرب ورحله للشرق ورحله ثالثه حيث التقى بيأجوج ومأجوج والحمدلله الصوره توضح الرحله فوق لما اجي لشرحها

غريبه !! ليش ماحد يدرسنا او احــد يعلمنا؟  القساوسه المسيحيين يعرفوا مين ذو القرنين.. اليهود يعرفوا مين ذو القرنين.. لكن المسلمين؟؟؟

آآآآه بس راميين على عيوننا تراب عشان مانشوف،، فعلا مافي مسلم تطرق على هالموضوع اقصد شيخ مسلم عربي واجهته في حياتي وعرفني مين ذو القرنين قضيت حياتي اعرف ولو تشوفوا الفرحه لما عرفت مين هو ذو القرنين الحقيقي فرحت ،،

كلمت واحد نصراني عالم قالي موجود في التوراة ونعرفه كويس ،،منجد حسيت نفسي صغير ،،والسبب ليش؟؟؟ تعرفون ليش؟؟؟

اليهود مايبغونا نعرف مين ذو القرنين وبيخلوه لغـــــز لنا لانه قصته مربوووطه بمين؟؟؟؟ بيأجوج ومأجوج

قــصة ذو القــرنـــين

يللا نرجع لكتاب الله عز وجل مره ثانيه

ونكمل الآيــــــــة

اعوذ بالله من الشيطان الرجيم

وَيَسْأَلُونَكَ عَن ذِي الْقَرْنَيْنِ قُلْ سَأَتْلُو عَلَيْكُم مِّنْهُ ذِكْرًا

إِنَّا مَكَّنَّا لَهُ فِي الأَرْضِ وَآتَيْنَاهُ مِن كُلِّ شَيْءٍ سَبَبًا

فَأَتْبَعَ سَبَبًا

حَتَّى إِذَا بَلَغَ مَغْرِبَ الشَّمْسِ وَجَدَهَا تَغْرُبُ فِي عَيْنٍ حَمِئَةٍ وَوَجَدَ عِندَهَا قَوْمًا قُلْنَا يَا ذَا الْقَرْنَيْنِ إِمَّا أَن تُعَذِّبَ وَإِمَّا أَن تَتَّخِذَ فِيهِمْ حُسْنًا…..الآية

خلينا نفهم الآيات ونقراها برويه وتركيز 

الله عز وجل مكن له في الارض يعني خلاه حاكم بالارض واعطاه قوه وسلطان ،، هذا الحاكم قام برحله للغرب وطبعا راح نعرف انه هالأرض ملك له وهو يحكمها والدليل في الايه “اما ان تعذب واما ان تتخذ فيهم حسنا” هذا دليل على ان ذي القرنين هو مالك هالارض لانه كيف يحكم ويطبق على ناس حكم وهو ماله سلطه عليهم

خلينا نشغل عقولنا شوي ونتخيل انه في انسان قوي جاء مثلا نقول لقبيله آل فلان وهالرجل غريب مو معروف وجاء كذا بيعاقب الناس ويجازيهم هل الناس اللي بالقبيله راح يرضون باللي يصير ،،ويرضون انه هالرجال الغريب يطبق فيهم الاحكام؟؟طبعا لاء لانه بيكون فيه شيخ قبيله وبيكون في والي ،، بس لو تفكر زين بالآيه تكتشف انه هالناس يتعمدون على ذو القرنين ويحكموه في امرهم ،، يعني هو ملكهم وهي تحت سيطرته

طيب كويس مسكنا خيط ثاني

خلينا نرجع للخريطه كم بحر في الغرب يمتلك ذي القرنين؟؟

البحر الاول هو البحر الاحمر ،، هل هو عين حمئه؟؟؟ اممممممم مادري بس يمكن اسمه بحر احمر فيمكن حمئه

البحر الابيض المتوسط؟؟؟ كمان ممكن بس لونه ابيض،،،؟؟

وفيه البحر الاسود ،،،؟؟وبرضو احتمال

يللا ناخذ بريك اتمنى منكم ترخوا الصوت وتروقوا في هالغرووب الحلووو

واذا انت مستعجل وماعندك وقت حط المقطع على الدقيقه ٢ ونص

واستمتع بالبحر البركاني “العين الحمئه” سبحان الله الوصف الدقيق العين اللي تغلي كأنها بركان هذا البحر الوحيد بالعالم اللي فيه هذا الغروب سبحان الله هذا البحر الاسود غرب مملكة كوروش الكبير

ارجع لصوره مملكته عشان تشوف البحر الاسود

هذي روابط لاسلام ويب يبين انه اقوال السلف والعلماء القديمين مثل ابن عباس انه الارض  التي سار اليها ذو القرنين في الشمال عند ارمينيا واذربيجان

اضغط هنا مصدر علماء الاسلام

اضغط هنا لقرائه الفتوى الثانيه

…”،،اكيد تحمست وتبغى تتعمق زياده

كويس الحين وريتك هالغرووب الرومانسي الحااار

نرجع للقرآن الكريم ورحله ذو القرنين ونكمل نقرأ القرآن

ثُمَّ أَتْبَعَ سَبَبًا حَتَّى إِذَا بَلَغَ مَطْلِعَ الشَّمْسِ وَجَدَهَا تَطْلُعُ عَلَى قَوْمٍ لَمْ نَجْعَلْ لَهُمْ مِنْ دُونِهَا سِتْرًا كَذَلِكَ وَقَدْ أَحَطْنَا بِمَا لَدَيْهِ خُبْرًا”

الكثير من العلماء اوضح ان الرحله الثانيه كانت بإتجاه الشرق طبعا  واستنتجوها من حتى اذا بلغ مطلع الشمس يعني اذا كان البحر الاسود يسارك واتجهت يمين راح يواجهك بحر الخزر او يسمونه بحر قزوين 

مشي ذي القرنين  الى ان وجد هناك في الشرق قوم لم نجعل لهم من دونها سترا ،، يعني مالهم ماعندهم مايسترهم من ملابس ناس بدائيين جدا

وتركهم على حالهم

الله عز وجل في قرآنه الكريم يعطينا الحين اتجاه ثالث للرحله

هذي الخريطه

،،

الصوره توضح تضاريس الخريطه ورحله ذو القرنين

ذو القرنين اكمل طريقة لرحلة ثالثه

“ثُمَّ أَتْبَعَ سَبَبًا حَتَّى إِذَا بَلَغَ بَيْنَ السَّدَّيْنِ وَجَدَ مِنْ دُونِهِمَا قَوْمًا لَا يَكَادُونَ يَفْقَهُونَ قَوْلًا قَالُوا يَا ذَا الْقَرْنَيْنِ إِنَّ يَأْجُوجَ وَمَأْجُوجَ مُفْسِدُونَ فِي الْأَرْضِ فَهَلْ نَجْعَلُ لَكَ خَرْجًا عَلَى أَنْ تَجْعَلَ بَيْنَنَا وَبَيْنَهُمْ سَدًّا.”

طيب احنا لازم نعرف مين هم القوم الذين لايكادون يفقهون قولا

يعني ناس لغتهم مو قريبه ومو معروفه لاحد من الاقوام اللي حوليهم ،، لغتهم مالها اتصال لامن قريب ولا من بعيد باي من اللغات القديمه لغة مستقله بذاتها مالها فروع

ومثل ما انا اعرف ودرست ومثل ما المؤرخيين يقولون انه اللغات تفرعت بشكل كبير مثلا العربيه والعبريه من اصل لغه واحده واللغه الفينيقيه اللي هي اللاتينيه تفرعت كمان مثلا الحين تفرعت بس هذي اللغه مالها تفرع ،، وسبحان الله على الوصف الدقيق للغه فهذا الوصف ينطبق بشكل كامل على اللغه الجورجيه

هذي صوره لحروف اللغه الجورجيه اليوم

 ،ذو القرنين توقف عند هذولا القوم وبعد ماصار بينهم تواصل باللغه اشتكوه عن يأجوج ومأجوج وانه يأجوج ومأجوج مفسدون بالارض وانه يهلكوا حرثهم ويحاربوهم ويصرقوا منهم ويقوموا بكل انواع الفساد عندهم فطلبوا بناء سد

ليش يبني سد؟؟  تتوقعون ليش طلبوا منه يبني سد؟؟ ماهو ذو القرنين قوي وملك وحاكم والله مكن له بالارض ليش مامثلا يهجم عليهم يحاربهم يأدبهم بمعنى اصح؟؟

سؤال وجيه ؟؟

السبب لانهم اقوياء جدا حتى ذو القرنين ما يقوى عليهم الا الله لحديث النواس بن سمعان قال المصطفى : ((أوحى الله إلى عيسى: يا عيسى إني قد بعثت قوما (أي يأجوج ومأجوج) لا يدان لأحد بقتالهم (أي لا طاقة لأحد بقتالهم) فحرز عبادي إلى الطور أي اجمع عبادي من المؤمنين إلى جبل الطور في سيناء))

وهذا الحدث سيكون في آخـــر الزمان زي ماكتبت بالعنوان

ذو القرنين ماقدر عليهم لانه حتى وهو بعز القوه لم يستطع عليهم واكتفى ببناء سد وراح اشرح بالضبط الكيفيه على السد ووين مكانه بالضبط

كويس جالسين نوصل لمكان الحين ،، احنا حاليا بجورجيا شوف الخريطه وناس اسمهم يأجوج ومأجوج يجوو يهجموا ويفسدوا بالارض على اهل جورجيا المساكين وكمان

 المنطقه اللي جنب جورجيا هي جبال القوقاز

قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْمًا

آتُونِي زُبَرَ الْحَدِيدِ حَتَّى إِذَا سَاوَى بَيْنَ الصَّدَفَيْنِ قَالَ انفُخُوا حَتَّى إِذَا جَعَلَهُ نَارًا قَالَ آتُونِي أُفْرِغْ عَلَيْهِ قِطْرًا

دليل قوي وقاطع انه الجبال هي جبال القوقاز لانها جبال مشهوره بوفرة الحديد فيها لانه لو انه مثلا بيبني سد من حديد لازم يتوفر حديد مرره كثير لبناء الردم لانه لو ماتوفر كانوا راح يجلسوا سنين يجيبوا الحديد وينقلوه وخاصه انه ثقيل فالمنطقه بديهيا تكون منطقه غنية بالحديد وهذي من حكمة الله عز وجل انه خلا هالقوم المفسدون قريبين من الحديد لبناء السد

طيب انا عندي سؤال كمان؟؟

ايش معنى الصدفين ؟؟ الصدفين يعني الجبلين  ومثل مانشوف الخريطه جبال القوقاز مسويه درع سبحان الله جبال طويله وعاليه مليانه حديد عند قوم لغتهم ماهي مقترنه باي لغه من اللغات القريبة منها

في جبال القوقاز معبر واحد فقط يربط الشمال بالجنوب طريق واحد ولو تقفل هالمعبر راح يصعب جدا وصول يأجوج ومأجوج لسكان جورجيا

ولهذا المعبر اسماء كثير تقدر تدور عليها بالنت

Darial Gorgeهذا الاسم الاول

هذا الاسم الثاني Gates of alexander

وكمان Caspian Gates

وصدفه الحمدلله قلت خليني ادخل ويكيبديا واجيب صور عنه او مقال بالانجليزي واتفاجأ بهالكلام

Josephus wrote that Alexander the Great built iron gates at an unspecified passwhich some Latin and Greek authors identified with Darial

المعنى من الكلام  والكاتب اليهودي يقول انه الاسكندر الاكبر بنى سد من حديد في معبر غير معروف ولكن بعض الكتاب الالتينين والاغريقيين حددوه بأنه الدوريال

صور للمعبر

طيب ايش رايك نرجع للخريطه شوي ونشوف مملكة ذو القرنين لو تلاحظ انه ماطلع شمال او تجاوز جبال القوقاز
ولو تدقق وتحاول تفكر بهدف رحلة ذو القرنين تعرف انه عشان يتفقد احوال رعيته
وجورجيا كانت ضمن مملكتة وكان الاجدر يهاجمهم بس مثل ماقال الله عز وجل بالحديث القدسي فيما معناه ((لايدان لاحد بقتالهم)) فعشان كذا ذو القرنين ماهاجمهم ولما اتكلم بعدين عن يأجوج ومأجوج ومن هم راح تتضح الصورة اكثر ان شاء الله

انا بوقف هنا وانت عليك التكلمة ،،،،

طبعا راح اكمل ان شاء الله واتكلم عن يأجوج ومأجوج في الجزء الثاني بموضوع منفصل بعد ماتكلمت عن رحلت ذو القرنين بس الحين

خذلك نفس عميييييق وخذلك كاسه شاهي وروق

انت مو مجبر تصدق كلامي بس انت دامك دخلت موضوعي مجبر تفتح عينك وتفكر ولاتصير فقط متلقي خليك مفكر،، روح ودور انت وحل اللغز بنفسك

تحياتي

THIN UGLY

الجزء الثاني

رجاءا لا احد يسرق تعبي ويحطه بالمنتديات الى بعد اذني فهذه سرقه للفكرة وللتعب والجهد

والله لا احلل من يقوم بهذا العمل المشين

المصادر

http://en.wikipedia.org/wiki/Cyrus_the_Great

http://www.ahlalhdeeth.com/vb/showthread.php?t=262331

December 5, 2010 / THIN UGLY

THE DARKNESS AND THE LIGHTS

HI BOY Z AND GIRLS


كيفكن ان شاء الله بخيـــــــــر وطيبين وكل شي منيح ومليح

اممممم حبيت اتكلم اليوم عن موضوع ممكن ماعمره احد منكم شافني اتكلم فيه قبل او كذا

بس موضوعنا اليوم عن الظلام والنور

الخير والشر

تأثيرات هالشعاعين علينا احنا البشر….

!!!!!!

النور والظلام الخير والشر الحب والكره….متناقضات تتجمع في مكان واحد،،،،وموجوده في كل انسان،،،،في روح وقلب كل واحد منا

وما احد يقدر ينكره او يجحدها،،لان هذي طبيعتنا اللي الله عز وجل خلقنا عليها

ولازم نعرف شي مهم وهو انه

مهما كان في نوور لازم يكون في ظلام ومستحيل نفصلهم عن بعض

 

………………………………………………………………………………….

كثير كان يسألني عن سبب تسميه نفسي بـ

THIN UGLY

وكان جوابي هذا الـ

DARK SIDE

الجانب المظلم من شخصيتي،،،،ولكل واحد جانب مظلم بس المشكله كل المشكله لو ترك جانبه المظلم يسيطر عليه وعلى حياته

لان النتيجه بالنهايه……

الفشل الانهيار الاحباط،،،،وهذا الكلام استنتجته من تجاربي بالحياة

وراح اقولك اشياء بديهيه بس يمكن اغلبكم مافكر او تفكر فيها

مع الرغم انه ديننا دعانا للتفكر والدليل انه الله ضرب لنا الامثال باصغر مخلوقاته

مثل النمله،،النحله،،العنكبوت

صحيح انه اعجاز للكفار بس برضو دعوى للتفكر للمؤمنين بالاشياء الصغيره قبل الكبيره…

وخليني الحين ابدأ معاكم بعض الموضوع  وراح تتعلم هذي الاشياء في الموضوع

ايش هما الظلام والنور

اثر الظلام والنور بحياتنا

ليش اغلب شبابنا وشاباتنا يحبون الظلام؟؟

كيف يكبر الظلام او النور بداخلك

كيف تطرد الظلام من حياتك

وفي النهايه اختار بنفسك الظلام ولا النور

……………………..

 

 

 

 

*الظــــــلام والنــــــــور*

 

 

 

تعريف الظلام وبكل بساطه هو

 

 

((حاله انعدام الضوء))

والضوء هو النور،،،،،،بسيطه مثل تعريف الجنون هو حاله عدم وجود العقل

 

يعني الاساس بالظلام النور،،،،وقلتلكم مانقدر نفصلهم عن بعض

 

يعني اذا اختفى النور جاء الظلام …..ولو جاء النور اختفى الظلام واختبآ بشكل الظل

لان الظل هو  المساحة المظلمة التي تتكون نتيجة سقوط الضوء علي اي جسم ما يشترط فيه العتمه

العتمه يعني مايولد ضوء

 

والنقطه الثانيه

انه القدماء كانو يعتقدوا انه العين هي اللي يخرج منها النور ونشوف
وجاء العالم الحسن بن الهيثم واثبت أن العين لا يخرج منها ضوء بل اثبت أن الضوء هو الذي يسقط علي الأشياء فينعكس مرتدا إلي العين فتراها العين

 

الكلام اللي حددته باللون الاحمر راح اشرحه قدام في كلامي وراح ترجعله ثاني

يعني حطه في بالك

 


 

*اثر الظلام والنور بحياتنا*


 

 

 

بكل يوم بحياتنا تمر علينا حالتين هي الصباح والمساء،،،حالتين الظلام والنور

بس هذا من بره كيف من جواتك؟؟؟

هذا هو السؤال المهم ومحور كلامي في الموضوع والحين راح ادخل الموضوع

 

انتا لما تمشي بالشارع بالدوام او حتى تكون بالبيت او الجامعه او المدرسه او…..الخ وين ماتكون

تمر عليك مواقف فمرات توقف فيها وتفكر لحظه،،،،مرات تتصرف تصرف غير لائق ينم عن انسان بدون مبادئ وقيم

ومرات تلاقيك تحن على هذا وتعطف على ذاك وتسوي اشياء طيبه

 

ايش المحرك اللي يخليك تسوي كذا؟؟؟؟

طبعا قلبك اللي يكمن فيه النور ،،،ويكمن فيه الظلام

 

ومثل ماقلت في البدايه مهما كان قلبك ابيض وكله نور….بتلاقي مساحه للظلامفي الظل،،،وانا بعطيكم علاجها بس مو الحين

^ـ^

 

طيب يعني طبيعتنا كذا،،،،،

والله خلقنا كذا والدليل على كلامي

بيكون من حديث  عن الرسول محمد صلى الله عليه وسلم

والذي نفسي بيده ، لو أخطأتم حتى تملأ خطاياكم ما بين السماء والأرض ، ثم استغفرتم الله لغفر لكم ، والذي نفس محمد بيده ، لو لم تخطئوا لجاء الله بقوم يخطئون ، ثم يستغفرون الله فيغفر لهم

 

وهذا دليل على وجود الظلام في داخل الانسان مزروع في داخله يحفزه على الخطأ

والدليل الثاني حادثه غسل قلب الرسول صلى الله عليه وسلم

^ـ^

 

وهذا مستثنى لانه الرسول صلى الله عليه وسلم قدوتنا وخير البشر اللهم صلي وسلم عليه عشان كذا ماكان يخطأ ومافي مثل قلبه

هذا السبب ليش انه خير البشر

……..

 

يعني ماحد ينكر وجود شر داخله حتى ولو بسيط

يعني انا استغرب من الناس اللي يقولك المطوع او المتلحي سواء ملتحي نفاق او ملتحي خشيه من الله او موضه انه مايخطئ

فالشعر بالوجه ليس انعكاس للقلب من الداخل،،،،ولا ماكنا شفنا البنقاليه اذا بغى ياخذ راحته ويصير ابن لذين يربي لحيه عشان ماحد يشك فيه

وهذا الكلام ما اقصد فيه الكل يعني

بس في ناس ضعاف نفوس يستغلوا تقديس شعبنا للحيه وجعلها ستار بينه وبين بلاويه

كفانا الله الشر

 

وبنهايه هذا العنوان اكدت انه في طاقتين داخلنا،،،،طاقه النور وطاقه الظلام

 

 

 

*أغلب شبابنا وشاباتنا يحبون الظلام وش السبب*

 

 

 

 

في كثير اسباب لهذا الحب المنتشر للظلام والوحده والعزله

 

السبب الاول:-الميديا والاعلام




 

احنا كبرنا على أفلام الكرتون والتلفزيون

دايما لما كنا اطفال كانت شخصيه الرجل الشرير مضحكه غامضه جذابه ذكيه ولاننسى اهم عنصر عندنا لجذب الاطفال

((قووووته خااااارقة))

اما البطل دائما شخص عادي يحاول يطور نفسه من الصفر ولازم يكون معاه ١٠٠ صاحب عشان يهزمون شخص واحد شرير

وهزيمته بتكون بعد طول عناء

!!!!!!!

فحماه النور لازم يكونون كثار عشان يقضون على واحد رجل شرير ظلامي

فطبعا لو خيروك بتختار واحد شرير مميز عن عشره جنود طيبين وتعتمد على حسب الشخصيه وتأثر الطفل فيها بس غالبا الطفل يحس انه مميز فيقارن نفسه بالشرير لانه هو القوي

 

 

السبب الثاني:-فقداننا بالشعور بالظلام


 

 

 

طبعا الله عز وجل خلق الظلمات والنور ولم يخلقها عبث ،،،في كل مخلوقات الله عز وجل هناك في حكمه حتى ابسط التفاصيل

الله عز وجل خلق الدنيا والانسان والارض كل واحد يأثر بالثاني وسخرها لعيش الانسان واي خلل في هذي التركيبه الإلاهيه بيصير فيها خلل على الانسان نفسه

وكثيرا مانجد القرآن المعجز يقرن الليل والنهار،،،،الظلمات والنور،،،،الشمس والقمر

مع بعض وهذا دليل على انه لهم دور كبير في حياة الانسان

 

طيب،،،،وين الخلل هنا يا

THIN UGLY

???????

 

الخلل عدم شعورنا بالظلام ورهبه الظلام وبالظلام نفسه

ابي كل واحد منكم يسأل نفسه كم ساعه حس بالظلام حوله،،،يعني كم اكثر مده جلستها لوحدك او لو نقول مع اهلك في الظلام  باختيارك؟؟

اكثر شي واجرأ واحد ماراح يتعدى العشر الدقايق وهو صاحي في غرفته …….مو وقت النوم يعني

السبب وجود اللمبات والانوار في كل مكان النور حوليننا دايما نجلس ونفتح النور ناكل ونفتح النور ومن قبل المغرب تلاقي كل واحد فاتح نوور بيته وجالس

 

هذا هو الخلل في طبيعه الانسان تهميش للظلام في حياتنا

 

نعم هذا سبب حبنا للظلام اكثر من النور،،،،لو نرجع لزمان لايام الاجداد والاباء وقبلهم

متى ينامون ومتى يصحون؟؟؟؟

كيف الظلام معاهم….كان رعب وهم وغم وخوووف الواحد جالس مايدري مين جنبه الغدرات القتل الصرقه المجازر الخيانه الحروب كلها في اخر الليل

غير الحشرات السامه والثعابين والذئاب

فالواحد ينام ويمني النفس بإشراقه الشمس

ولو سألته وش تحب،،،،بيرد بكل وضوح وصراحه وبدون تفكير احب النور طبعا وهي فيها سؤال؟؟

وهذي الفطره،،،،نعم يحب النور لانه متطمن على حلاله وماله وعياله في النور

لانه يحس بالامان والراحه والطمأنينه مو بالخوف والجزع والوسوسه

اما زمنا هذا زمن النور والحياه الليليه هو السبب في تخبط مشاعرنا,,,,, بس احنا نحب الظلام لشعورنا بالنقص اتجاهه ولاننا محرومين من الشعور الحقيقي فيه

ولاننسى انه من اعظم اكتشافات الرجل القديم النار ولولاها مابقينا احنا احفادهم على قيد الحياه فنور النار بعد الله عز وجل كان يحميهم في الظلام والليل

وكانت من اساسيات العيش ومن اعظم الاكتشافات البشريه

وهذا دليل على اهميه النور….في وجود ظلام دامس في الليل

قال تعالى

((مثلهم كمثل الذي استوقد نارا فلما اضاءت ماحوله ذهب الله بنورهم وتركهم في ظلمات لايبصرون))

 

عرفت قيمه النور الحين؟؟؟؟

عمرك جربت الظلام الدامس اللي يحسسك كأنك اعمى،،،،جربه صدقني راح تحب النور

لما تكون في بر مثلا وتعسس بيدك على اللي جنبك اللي لاصق فيك وتسأله،،،،انت مين لانك مو عارف حتى مين جنبك؟؟؟؟

لما تسوق سيارتك بخط سفر لحالك ومافي سياره  قدامك او  وراك وتطالع بالمرايه ماتشوف الا السواد لدرجه انك تحس انك ماتشوف شي انت اعمى،،،،تتمنى هذيك الساعه تشوف نور

فطبيعي لما تمر بهالمواقف راح تحب النور لانه كان سبب راحتك،،،يمكن تحب الشعور بالظلام طبعا لانه سببلك مغامره حلوه بس ماتدري انه حلاه المغامره لما تشوف النور وتعرف انك نجحت بتخطي الظلام،،،،مثل قطار الموت،،،مو قطار الموت الميت اللي عندنا قطار الموت الصح

تركبه وفي كل ثانيه تتشهد على روحك،،،ونشوه انتصارك بتكون في اللحظه الاخيره لما يقولك فك حزام الامان انتهت اللعبه،،،لانك حسيت بالشعور بالراحه والامان  وراح شعور الخوف جواتك ونفسك بعدها  تكرر التجربه عشان تحس بشعور الخوف اللي انت فاقده لانه خلال هالتجربه بتكون خايف …فلما تنزل من القطار تحس بالامان،،،،انت عايش في امان ولكن ماتعرف قيمته

وعرفته قيمته لما فقدته،،،ويوم رجعلك شعورك بالامان ثاني ارتحت واستانست وعجبتك اللعبه

انا بعطيك مثل بسيط  تخيل انك في الصومال وحرب وجوع والواحد مو آمن على حياته هناك ومسكت واحد منهم  وقلتله عندك ساعه زمن واخيرك بين امرين تلعب معي قطار الموت في احسن ملاهي بالعالم او احطك في برج آمن تجلس فيه تتوقع وش بيختار؟؟؟؟

 

بسيطه لو انك رحت عند نهر ولقيت رجال يشرب منه وبيته على ضفه النهر ومعاك قاروره مويه بتروح تبيعه اياها،،،،وش تتوقع رده فعله ؟؟؟

بيطالع فيك ويضحك ويمكن يأشر عليك بعلامه انك مجنون وحتى لو عطيته اياها ببلاش ممكن يرفضها ويمشي وهو متعجب منك

……

تخيل انك انت ونفس هالشخص بس اختلف المكان هو بصحراء ولقى كنز بس ماعنده مويه يشربها وعرضت عليه المويه،،،،هذيك الساعه تقدر تساومه عليها حتى يمكن تاخذ كنزه لجل المويه اللي معك

!!!!!

 

وهذا لانه الانسان للاسف يمشي بنظريه انه مايعرف قيمه الشئ الا يوم يفقده

فيوم يفقده ويرجعله ثاني يعرف طعمه ويحس فيه وبقيمته

 

السبب الثالث:-التقليد الاعمى




كثير من المراهقين وبرضو من اثر الملتيميديا وغيرها صار لهم شخصيات محببه…هذي الشخصيات وخاصه المراهقين يقلدون اللي يشوفونه من المسلسلات او من الغرب بشكل عام

وكثير من هالشخصيات عبده شيطان ملحدين و ايمو وغيرهم من الشخصيات التافهه وعندنا الطفل او المراهق مايعرف انه حتى هذي الشخصيات والشكليات مكروهه في مجتمعاتهم ومحط انظار واستحقار الكثيرين

بس يوم يطلعون على الشاشات فهم مظلومين حساسين يحبون الظلام والخير بس بشخصيه غامضه ولو زعل راح وشرط يده وصاح؟؟؟؟

وانه منبوذ ،،،، طبعا اي مراهق بيحس بهالشعور ويقول هذولا مثلي!!!!….لانه كبر من مرحله الطفوله اللي كان خياله فيها واسع وحتى لو امه او ابوه باسوه بيحس انه سوبر مان زمانه وانهم باسووه لانه افضل طفل بالعالم وانه اهله يحبوووه اكثر شي بالدنيا وانه هو محط اهتمامهم ومحور حياتهم وانه هو ملك العالم والاقوى والافضل مثل مابينت في النقطه  اللي قبل

 

فلما يراهق يبدأ مخه يكبر وينضج ويلاقي اهله يعاملونه مثل الكبير مافي دلع اول مافي مثل اهتمام الطفوله ويروح المدرسه يلاقي نفسه مو مميز عن غيره .،،،،فطبعا هو كان متخيل انه سوبر مان فيحس بنقص شديد واضطراب وانه الناس ماتهتم فيه وماتحبه…ويشوف في مراهقين بالعالم مثله كئيبين ويفرغون همومهم بهبل مثل راسهم

فيقول ليش ما اصير مثل الغرب عايشين حياتهم؟؟؟

طيب هذا الايمو او عبده الشيطان ،،،،الشيطان مريحه مدلعه...ممتعه في حياته بس انت مسلم ولد مسلم وعدك عند الخالق عز وجل وعدك عند الله

شوف الله ايش يقول في قرآنه الكريم

((بل إن يعد الظالمون بعضهم بعضا إلا غرورا))

 

((يعدهم ويمنيهم وما يعدهم الشيطان إلا غرور))

 

يعني الشيطان يغررلهم الدنيا ويزينها لهم ويسلط جنده عليهم يخليهم هايمين بالفساد والضياع وانت تقلد؟؟؟؟

واغلبهم راعين مخدرات وشاذيين وامخاخهم فاضيه ومالهم هدف بالحياه غير هالتفاهات عشان كذا هم مستحقرين ببلادهم حتى

طيب تبيني اقولك شي….،،،تعرف السحر وتفاصيله وكيف تعقد صفقات مع الجن والشياطين؟؟؟؟؟

يمكن تعرف السحر مسمى بس ،،،بس ماتدري تفاصيله راح اعطيك معلومات يمكنك تعرفها ويمكن اول مره تسمع فيها

تدري انه الشياطين او الجن مايحضرون الا بتضحيات وطقوس؟؟؟؟؟

لازم تضحي  لازم تريق الدم وعلى قد ماضحيت على قد ماحصلت…((تقديم القربان)) لهم،،،،ما سألت نفسك ليش الايمو لما يحزن يشرط نفسه بالمشرط.…!!مو هذا طقس من طقوسه هذي اراقه دم لابليس وجنوده عشان يسعدونه ويغررون له الحياة ويزخرفونها له واحنا شبابنا يشرطون يدينهم واحلى كلام ولا يدرون وش معنى هالعباده او هالشي اللي يسوونه ولو تسأل واحد يقولك والله حبيت انفس عن نفسي وعن غضبي؟؟

 

 

 

*كيف تتحكم بالظلام والنور اللي داخلك*

 

 

 

اول شي النور هبه من الله عز وجل،،،،مثل البصر والسمع وغيره من الحواس….الانسان المبسوط في حياته القريب من ربه تحس بنوره موجود في وجهه

ومثال بسيط مرات تجلس مع شخص اول مره تشوفه وتقول في نفسك او تحكي الناس عنه،،،،وتقول ياخي سبحان الله فلان حسيت معه في راحه وحسيت بوجهه النور

هذا النور كيف جا…يعني مثلا الشخص مركب على جبتهه كشاف؟؟؟

او مصنفر وجهه،،،،؟؟مرات تشوف واحد اسمر البشره وتقول ياخي احس بنور في وجهه؟؟؟

هذا الشي ماله علاقه باللون او الشكل او الجنس هذا له علاقه مباشره فيك انت في النور اللي داخلك ،،،،ومرات تقول العكس ياخي فلان ما ارتحتله،،،فلان حسيت في وجهه الغضب؟؟؟

كيف عرفت…هذا انعكاس نوره الداخلي على وجهه وشخصيته وابتسامه وحتى كلامه والعكس صحيح على الشخص الثاني

 

النور هذي نعمه من ربي خلقها الله عز وجل جواتنا…هي موجوده في قلوبنا…..الظلام يسبب مرض وموت للقلب والنور يسبب للقلب الراحه والطمأنينه

لايجيني جراح يقول القلب مافيه نور او ظلام….. هذا شعور داخلي …..اما القلب امراضه  الظاهريه هي السكته القلبيه والجلطه و….الخ الخ الخ

 

نسيت حديث غسيل صدر الرسول صلى الله عليه وسلم؟؟؟؟

نرجعله مره ثانيه

ليش غسل الصدر؟؟….لانه فيه القلب…وليش القلب لانه هو اللي فيه المشاعر..مشاعر الخير والشر…بيقولك دكتور الاعصاب المشاعر بالمخ...صحيح المخ غرفه التحكم بس القلب هو المستخدم لهذه الغرفه

:)

ادله من القرآن الكريم على كلامي

((في قلوبهم مرض فزادهم الله مرضا))

 

((فإنّها لاتعمى الأبصار ولكن تعمى القلوب التى في الصدور))

 

 

يعني القلب فيه نور….والنور اللي في القلب هو اللي يخليك تعرف الصح من الغلط،،،،النور هو اللي يضيئ طريقك في الحياة

العين ماتصدر الضوء بس تشوف الاجسام اللي انعكس عليها الضوء.…امممممم كلامي ذكرك بشيئ قلته في بدايه الموضوع؟؟؟

نسيت الكتابه اللي بالاحمر اللي قلتلك احفظها بمخك؟؟؟؟!!!!!….اطلع شوووفها

 

 

 

لحظه اريحك تعال هنا انا بكتبها ثاني

أن الضوء هو الذي يسقط علي الأشياء فينعكس مرتدا إلي العين فتراها العين

اجل وين مصدر نورك……؟؟؟

مصدر نورك هو قلبك طبعا

 

افتكر كلامي الحين عن شخص تحس في وجهه نور وشخص تحس في وجهه عتمه وظلام….؟؟؟

نسيت وش وظيفه عينك؟؟؟؟

تعكس النور الساقط على الاجسام وتشوفه…فالشخص المحبوب طيب القلب صاحب القلب الصافي الابيض تشوف هالشي في وجهه لانه انعكاس لنوره الداخلي

والشخص البغيض الكريه تعرف انه شخص منحط وسيئ من الظلام اللي في قلبه وانعكس على وجهه

 

وقال الله عز وجل

((ومن لم يجعل الله له نور فما له من نور))

 

طيب الحين نجي لسؤالنا كيف نتحكم بالنور والظلام في حياتنا

الآيه فووق مافكرت وتدبرت فيها؟؟؟؟؟

النور مين اللي يعطيك اياه؟؟؟؟؟

الله عز وجل،،،،،،لانه لو الله ماعطاك النور وماراح تلاقيه في اي مكان بالعالم اغنى رجل وانجح رجل بالعالم مو معناته بالفطره اسعد رجل

لانه السعاده شعور داخلي لايشترى…..شعور مصدره القلب

ومثل مالنور في الحياه يدل على الطمأنينه والراحه والامان والجمال

الظلام يدل على الخوف والرهبه والجزع والوسوسه

 

نجيبلك مثال يمكن الامثله اللي قبل مو واضحه او تبي زياده امثله

تخيل انت موجود في احلى جزيره في العالم….شلالات منتجعات مناظر طبيعيه خلابه انت في جنه….بس في الارض

بس مشكله الجزيره الحلوه هذي انه مافيها نور ولاصباح بس ليل….تروح؟؟؟؟

خليك شجاع وروح….تستمتع؟؟؟؟؟

هذا هو الغني او الناجح او اي شخص مانور الله قلبه

والسويد احلى مثل لانها اعلى معدل انتحار في العالم وفي نفس الوقت من اعلى دخول للفرد في العالم لانه عندهم كل اللي يبغوه بس قلبهم مظلم وروحهم فاضيه مافيها نور تضيئ حياتهم

 

 

———-

طيب يا

THIN UGLY

كيف نجيب هالنور؟؟؟؟؟ من اول ماجاوبتنا

…..انا ماجاوبت لانه كل شي تبغاه مقشر بحياتك؟؟؟؟

عدل تفكيرك ….فكر شغل الطاسه اللي بجمجمتك

طيب راح اتكلم لبعض الامخاخ اللي كأنها قدور ماتتحرك…الجواب بسيط بعمل كل شي يحبه الله ويرضاه….صلاتك وصله بربك

البعد عن الذنوب والاخطاء ….البعد عن عقوق الوالدين والكذب

ودايما سوي شي حلو لوجه الله

لاتنسى انه حتى ابتسامتك في وجه اخيك صدقه

اماطه الاذى عن الطريق صدقه

ولاتنسى انه قليل دائم افضل من كثير منقطع والكلام اللي قلته فوق سهل تنفيذه كلها اشياء بسيطه وطبعا لاتنسى


قرآئة القرآن

وكمان

الاستغفار….. الاستغفار…..الاستغفار……الاستغفار…والاستغفار

كم مره وردت هالكلمه في القرآن…..الله غفور الله رحيم

 

وآيات كثيره بهذا المغزى

……….

طيب نرجع لموضوع الظلام والنور

اقرا هذا الحديث ياصاحبي

عن ابي هريره عن رسول الله صلى الله عليه وسلم قال إن العبد إذا أخطأ خطيئة نكتت في قلبه نكتة سوداء فإذا هو نزع واستغفر وتاب سقل قلبه وإن عاد زيد فيها حتى تعلو قلبه

وقال تعالى عز وجل

((كلا بل ران على قلوبهم ما كانوا يكسبون))

في اكثر من حديث عن الرسول صلى الله عليه وسلم وكلام من الله عز وجل؟؟؟ يثبت كلامي ونظريتي عن ظلام القلب ونوره؟؟؟

الران هو الغطاء والغشاوه

وكمان اول الموضوع لاتتسى تعريفنا للظلام …. انه الظلام هو اختفاء النور ولو انت وضعت على قلبك الغطاء بيصير مافي نوروالنتيجه ….بيجي الظلام في القلب

!!!!!!!!!!

كلنا بنخطئ وكلنا بقلبنا الظلام لانه مهما كان في نور بيكون في ظلام وظل مثل بدايه كلامي في التعاريف…..والحل بسيط الاستغفار والتوبه والندم

وفعل الاشياء الطيبه طبعا

 

………..

 

الظلام والشياطين والوساويس…دام انه قلبك في نور صدقني راح ترتاح من الوسوسه راح ترتاح من نغزات الشياطين

الشيطان يعيش بالظلام...ويكره النور،،،،،،عالمهم اسود مظلم

يحب الظلام ويكره النور الدليل بسيط على كلامي وهالكلام الله قاله بلسان ابليس

((فبعزتك لأغوينهم اجمعين الا عبادك منهم المخلصين))

ليش مايقدر عليهم؟؟؟؟لانه ايمانهم بالله قوي لانه قلبهم فيه نور صعب انه يوسوسلهم ويعيش في قلوبهم

 

 

 

*كيف تطرد الظلام من قلبك*


 

الجواب بسيط جاوبته فوق

بالايمان وتقوى الله وعمل الاشياء الطيبه وعمل الخير للناس وماتنتظر الاجر منهم انتظره من الله ولاتنسى دايما

قول الرسول صلى الله عليه وسلم

 

((المؤمن القوي خير واحب الى الله من المؤمن الضعيف وفي كلن خير))

 

القوه هي مجاهده الشيطان ونغزاته والصبر على العبادات والطاعات ودعوه الله بالاعانه على ادائها

ولاتنسى المؤمن القوي مو معناته بفتاله العضلات ….بالعمل والاخلاص والعلم والكلمه الحسنه

لانه اقوى سلاح اليوم هو سلاح الكلمه……السلاح اللي ينتشر بسرعه ومثل ماقلت عن دور الميديا فوق فهم غزونا بس مو بمسدسات وبوازيك وصواريخ غزونا بفكر …مو معناته اي شي يعرضونه سيئ

خذ منهم الزين واتركلهم الشين……ولاتنسى انه الكلمه الطيبه صدقهوالدين المعامله….اغلب شرق اسيا ،واندونيسيا اسلموا بدون سلاحاسلموا بصدق المسلمين وامانتهم وحرصهم على العمل ((القوه)) فبعملك وصدقك وامانتك ترفع اسم الاسلام ترفع اسمك واسم بلدك وترفع فيها رايه

لا اله الا الله محمد رسول الله

 

فخليك المؤمن القوي المؤمن المميز الشخص اللي كنت تحلم فيه وانت صغير يوم كنت تتفرج جرانديزر

:p

….شخص يحب الخير ويدافع عليه بس الدنيا مو مثل ماصوروها لنا …عباره عن حرب مجرات

الدنيا فعلا  عباره عن حرب ،،،،،،،وحرب قويه ….بس بينك وبين نفسك

والمرأ عدو نفسه….وابحث عن نفسككثير مننا مايعرف مين هو وكيف عايش وماشي…….دور نفسك وين تلقاها

طبعا راح تلقاها...ممكن تتعب لانه في بعض الناس مننا نفسه ضايعه ….وكأنها ابره وسط قش ….بس لو دور قشه قشه….بيلاقي روحه ونفسه

ولاتيأس فلا حياه مع اليأس ولا يأس مع الحياة

 

بس اهم شي دور روحك ونفسك قبل فوات الاوآن

واحب اقولكم كل سنه وانتوا طيبين وهذي هديه السنه الجديده….مدري يمكن ماحد ينتبه ايش اكتب….بس انا اكتب وارمي بالبحر يمكن احد يصيد كلامي ويستفيد منه

فالكنوز عمرها ماكانت مرميه بالشارع وواضحه للكلولا ماكانت كنوز……فلو لقيت كتابتي ان شاء الله قريب بتلاقي نفسك

 

 

وقبل ما اقفل الموضوع بسألك سؤال مره ثانيه

 

هاه الظلام ولا النور؟؟؟؟؟

 


 

 

ملاحظه:-تراني ماني شيخ تراني خربان زي زيكم

بس احب لكم الخير كلكم


^ـ^

 

لو سمحتوا يا شباب لاحد ينقل تعبي

تبي تنشر هالموضوع للخير والفايده وزع هالرابط غير كذا..،،لا

 

لانه ظلم تصرق تعب غيرك ولاتنسى انه الظلم ظلمات في الدنيا والاخره….

 

تحياتي لكم


…...THIN UGLY……

 

Follow

Get every new post delivered to your Inbox.